Lafaek News—Sekretariu Estadu das Florestas servisu hamutuk ho Sekretariu Estadu Kooperativa (SEKoop), tersa (01/04/2025), fasilita formasaun durante loron 4 kona-ba informasaun jeografia no leitura mapa koordenador kooperativa 56 hosi munisípiu 12 inklui RAEOA
Diretor Jerál SEKoop, Hoderico Lopes esklarese importante hosi formasaun ne’e atu formandus sira hatene utiliza Gps hodi kontrola dadus mapamentu kooperativas sira iha munisípiu 12 inklui RAEOA.
“Formasaun ne’e faze ida importante tebes ba formandu sira atu halo promosaun ruma karik presiza iha mapamentu, mapamentu ne’e ba funsionáriu sira atu halo estájiu ba munisípiu sira ne’ebe hetan ona sertifikadu atu nune’e sira bele halo mapamentu ba dadus neebe kooperativa produs iha areas rurais, Diretór Jeral SEKoop ba jornalista sira iha salaun esperansa delta, tersa 01/04/2025/.
Iha fatin hanesan, SEF Fernandino Vieira da Costa haktuir atividade ne’e realiza tanba SEKoop koordena ho Sekretaria Estadu Floresta, tanba sira (SEF) mak iha formadores ne’ebé exelente atu bele fo formasaun liu-liu ba iha utilizasaun GPS ba iha area remotas atu hetan dadus konkretu produsaun hira mak kooperativa sira produs.
“Ohin ha’u mai iha nee hodi loke formasaun sistema jeografika ba mapamentu ne’ebé mak organiza husi SEKoop, formasaun ida ne’e importante oinsá bele identifika poténsia ekonomia ne’ebe grupu kooperativa ezisti iha postu suku no aldeia hodi bele identifika no halo mapamentu ba grupu agríkola, grupu kooperativa sira ne’ebe forma ona iha Aldeia suku no postu ita bele hatene lolos halo akompanamentu fo formasaun ba sira hodi bele hasa’e ekonomia nasaun nian no ekonomia familia uma laran nia,” Fernadino sublina.
Sekratria Estadu Floresta ho Sekretaria Estadu Kooperativa, iha ona planu ba futuru servisu hamutuk kria grupu fo treinamentu ba grupu kooperativa hodi eleva kapasidade hodi prudus prođutu ho kualidade atu nune’e exporta ba nasaun seluk.
Jornlaista : Moises Guterres
