Lafaek News—Kompania Lemizo Joel Unip Lda entrega ona edefísiu postu Cristu-Rei ba Administrador Postu hodi hala’o servisu serbi ba povu iha zona Cristu-Rei.
Molok entrega xavi ba dahuluk halo inagurasaun ne’ebé partisipa direta husi Diretor Jerál Governu Lokál, Antonio Agusto Guterres, hamutuk diretor Planeamentu Dezenvolvimentu Integradu Munisipal Awal Verdial.
Iha ámbitu inaugarasaun edefisiu postu refere, Diretor Kompania Lemizo Joel unip Lda, João Nicolao Belo, salienta tuir kontratu ba obra ne’e durasaun fulan 3, maibé la finaliza tuir kontratu maibé la konsege nune’e ohin bele finaliza obra ne’e hodi entrega ba nain atu bele halo servisu.
“Ami hetan kontarutu nee husiPDMI Munisipiu Dili nian iha 03 de Juñu 2024 orsamentu ba obra ida ne’e total 182.852.74 durasaun tempu ba obra ida ne’e fulan 3, maibé la hotu tuir kontratu ne’ebe iha ami kordena fali ho PDMI munisipiu Dili extende kontaratu ne’e ba fulan 2 tan foin dadauk iha loron 17 fulan Janeiru ami finaliza konstrusaun,” Direktor kompania Lemizo Joel unip Lda João Nicolao Belo informa.
Iha Fatin hanesan Administatador Postu Cristu-Rei, agradese ba XI governu konstitusional ne’ebe konstrui fali edifisiu foun ida ne’e bele uza hodi servisu atende ba komunidade sira nia nesesidade loro-loron.
“Ami sei uza uma ne’e ho diak hodi hala’o ami nia servisu, tanba durante tinan hira nia laran uza de’it edifisiu ne’ebe Harii iha tempu uluk nian ho kondisaun ladún diak hodi atende komunidade sira, más agora ami bele iha ona edefisiu ne’e hodi halo servisu ba povu,” administrador Postu Cristu-Rei ne’e hateten.
Iha sorin seluk, Prezidenti Autoridade Interinu munisípiu Dili, Antonio Agusto Guterres hatoo agradese ba empreza kokal ne’ebé finaliza ona obra ne’e ho di’ak no husu ba administrador atu jere edefisiu ho kuidadu nafatin halo manutesaun hodi atende komunidade iha suku no aldeia ne’ebe pertense iha postu administrativu Cristu-Rei.
Entertantu, iha observasaun Lafaek News nota katak edefisiu ne’e kompleta ho fasilidade kompletu ho nia medida 16×28m kompostu sala sia (9) no haris fatin 2.
Jornalista :Moises Guterres
Editór :Agapito de Jesus
