Lafaek News—Sekretariu Estadu Kooperativa (SEKoop) hamutuk ho Sekretaria Estadu Igualidade (SEI) hamutuk diskute orsamentu sensivel jéneru no programa lejislasaun sira iha prespetiva Jéneru.
Sekretaria Estadu ba Igualidade , Elvina Souza de Carvalho, hateten diskusaun ne’e SEI ho Sekretaria Estadu Kooperativa, ko’ali liu kona-ba orsamentu sensivel ba Jeneru no mos haree polítika promosaun Igualidade ne’ebé mak iha, ami deskobre katak Sekretaria Estadu Kooperativa ou Instituisaun ida ne’ebé sensivel tebes ba iha implementasaun polítika ou kompremisiu Jeneru sira ne’ebé mak Estadu Timor-Leste hadia, ami mos deskobre katak liu husi enkontru ne’e ami hatene katak iha membru kooperativa barak mak halo sira nia atividade ho di’ak no sussesu,” dehan SEI Elvina ba jornalista sira hafoin diskusaun remata ho ekipa SEKoop iha Akait, Tersa (11/02/2025).
Elvina dehan nia parte atu fo hatete de’it katak SE sei nafatin halo komunikasaun ho liñas ministeriais sira hotu atu bele assegura iha implementasaun polítika nasional sira ba promosaun Igualidade hanesan mos desklarasaun, SEKoop mos hanesan asinantes ba kompremisiu ne’e, SEKOOP mos hateten sira iha kompremisiu komplemitidu tebes atu implementa kompremisiu Jéneru no halo investimentu ba promosaun Igualidade inkluzaun nian.
Elvina mos argumenta, Iha diskusaun ne’e SEI mos hatoo ona rekomendasaun lubuk ba SEKOOP atu nune’e nafatin Investe iha promosaun Igualidade inkluzaun liu-liu planu asaun annual.
Iha sorin Seluk Sekretaria Estadu Kooperativa, Arsénio Pereira da Silva hateten SEKoop kompremitidu tanba deklarasaun ne’e ofisializa husi selebrasaun akordu, kuandu assina buat ruma ka promete buat ruma klaru katak ne’e sai tusan ida.
“Tenke konsidera i hala’o, la hala’o hotu ho 100% maibé pelumenus iha durante ha’u nia mandatu tenki implementa buat sida ne’ebé rekomenda iha sekretaria estadu ida ne’e mak ohin iha diskusaun ami ko’alia ona ho ekipa sira husi sekretaria estadu Igualidade,” Arsénio hakotu lia.
Jornalista Magan : Ezequiel J. Freitas
Editor : Agapito de Deus
