LafaekNews—UNICEF ihaTimor Leste, Segunda (22/04/2024), hala’o workshop Nasionál ba fasilidade be’e saneamentu no ijiéne ba fasilidade hodi kuidadu labarik no komunidade sira nia saúde.
Reprezentante Unicef Timor-Leste, Bilal Aurang Zeb Durrani, afirma iha diskursu ne’e senti orgullu hasoru malu ho parseiru sira hotu ho ofisiáis ne’ebé reprezenta governu sira hotu ne’ebé ohin loron partisipa iha Workshop nasionál Be’e saneamentu no ijiéne iha fasilidade kuidadu saúde hodi asegura been estar ba labarik no komunidade sira.
“Ha’u kontenti tebes ba eventu workshop Bee, Saneamentu no Ijiene (BESI) iha Fasilidade Kuidadu Saúde sira (FKS) ne’ebe ita hotu hein kleur ona, ha’u orgullu hasoru malu ho pareseiru sira hotu ho offiais ne’ebé reprezentante governu parte empresariu sira hotu husi Novel nasionál no Munisípiu sira ida ne’e hatudu ita nia komitmentu atu asegura katak saúde no bem estar kona-ba labarik no ita nia komunidade en geral bele realiza tomak ho sustentavel iha okazisaun servisu ba saúde no be’e saneamentu i ijiéne” dehan Reprezentante unicef Bilal Aurang Zeb Durrani, iha Hotel Timor, segunda, (22/04/2024)
Haktuir nia, reprezentante UNICEF iha iha Timor Leste, importánsia ba setor saúde ne’e Bee saneamentu no ijiene (BSI), nu’udar setor dezenvolvimentu ne’ebé boot iha Fasilidade kuidadu Saúde (FKS), no globalmente ne’ebé sai ona sub-setor importante tebes, funsiona iha FKS, no sei kontribui ODS 2, ODS 3 no ODS 6 ne’ebé sai ona sub-setor importante ba saúde no been estar, bee mo’os no saneamentu.
“Setor Saúde no BESI nudar setor dezenvolvimentu rua ne’ebe bo’ot, BESI iha FKS globalmente sai ona nudar sub-sector ne’ebe importante tebes. Ida ne’e tamba fasilidade BESI nee’be funsiona diak husi kada FKS, sei kontribu ba ODS 2 ne’ebe importante mak hanesan; Saúde no Bem-estar (ODS 3) no Be’e mos no Saneamento (ODS 6),” nia sublina.
Reprezentante unicef ne’e haksolok tebes hodi kolaborasaun ho Ministéiru Saúde (MS), no sekretáriu Estadu Eletrisidade, Agua no Saneamentu (SEAS), ne’ebé disponibilidade partisipa iha Workshop nasionál Be’e Saneamentu no ijiéne (BSI) iha Fasilidade kuidadu saúde (FKS).
“Haksolok tebes atu hare katak kolaborasaun entre Ministério da Saúde (MdS) no Secretario do Estado Elektrisidade, Agua no Sanemanto (SEAS) ne’ebe ho disponibilidade tomak hamutuk iha forum ida ohin loron kona servisu BESI iha FKS,” reprezentante Unicef ne’e ko’alia.
Iha sorin seluk reprezentante Seskretaria Estadu Eletrisidade, be’e no saneamentu, Santos Noronha, haktuir ho haksolok tebes hodi hetan konsiderasaun ba eventu Workshop nasionál Be’e no ijiene iha fasilidade kuidadu saúde hodi ko’alia kona-ba Be’e no saneamentu setor importante hodi mellora servisu tolu ne’e.
“Ko’alia kona-ba setor Bee moos saneamentu ninian ita ko’alia ba ita nia moris lor-loron nian, ha’u tudu poin ho interligadu ha’u ligga diretamente ba ita nia moris mellora iha servisu setor tolu no sei mellora ba ita nia moris, ho sira importante kontribuisaun setor tolu ne’e liu-liu setor privadu Be’e moos no saneamentu,” Santos Noronha.
Iha fatin Vise Ministru Saúde Fortalesimentu Institusional da Saúde, José dos Reis Magno, argumenta partilla informasaun pertinente balun dezde restaurasaun independente to’o agora Ministéiru Saúde konstrui ona fatin ne’ebé hamutuk 400 hodi fasilidade kuidadu saúde, maibé too agora sei hasoru difikuldade ba Fasilidade kuidadu saúde hanesan be’e saneamentu no ijiéne ne’ebé ladún funsiona tanba manutensaun la sustentável
“Hakarak atu kompartilla informasaun pertinente balun desde restaura ita nia independensia to agora ministeriu saúde konstrui Fasilidade kuidadu saúde hamutuk 400 i rai, ospitais SSK, Ps, maternidade ho kedas be saneamentu no ijiéne maibé realidade ita sei hasoru Fasilidade kuidadu saúde balun ninia be saneamentu no ijiéne ladún funsiona ho maksimu tanba manutensaun ne’ebé la sustentavel” haktuir vise MS ne’e.
Vise Ministru saúde fortalesimentu institusional da Saúde, salienta iha Workshop ne’e hakarak fó hanoin atu atensaun ba be’e saneamentu no ijiéne hodi sustentavel ba Fasilidade kuidadu saúde (FKS) nune’e bele ajuda servisu kuidadu saúde asegura saúde ho seguru no pontu haat.
Jornalista : Aniceto Dias
Editor : Agapito de Deus
