Lafaek News—Realidade padre José Antonio nia saúde sei kontinua hala’o tratamentu intensive iha ICU Hospital Nasional Guido Valadares (HNGV) too ohin loron iha kondisaun saúde normal.
Informasaun ne’ebé espailla iha media sosial katak, santu padre José Antonio nia iss kotu ona, no iha kobertura espesial lafaek news iha HNGV sala ICU haree ho matan nai lulik ne’e kontinua hela tratamentu intensive iha sala tratamentu refere.
“Ha’u familia husi am, amu diak hela agora da-daun nia iha hela HNGV iha sala ICU,” informa Borja Patrosino ba lafaek news iha HNGV, tersa (27/12/2022).
Hanesan familia husi amu José Antonio hateten lolos katak nia kondisaun saúde diak hela, maibé kontinua halo tratamentu intensivu, ligasaun ho informasaun balun ne’ebé espailla iha media sosial ne’e, familia rezeita tanba realidade padre José Antonio halo tratamentu iha ICU.
“Amu diak hela agora da-daun nia iha hela HNGV iha sala ICU,” katak Borja.
maske, iha media sosial konsumu ona informasaun falsu ne’ebe hateten padre Jose Antonio hakotu ona iis, lori familia padre Jose Antonio husu ba sarani hotu iha Timor laran tomak katak felizmente Nailulik Jose Antonio hala’o hela tratamentu intensivu iha sala ICU Hospital Nasional Guido Valadares Bidau Dili.
Jornalista : Acacio Pinto
Editor : Agapito de Deus
