Lafaek News–International Finance Corporation (IFC), iha Timor-Leste, David Freedman, hatete IFC Planu atu hasa’e investimentu iha parté setor privadu, liuliu area turizmu no agrikultura oinsá bele halo kopeerasaun ho projetu sira seluk.
Ami ekipá husi IFC mai hodi apresenta IFC nia Planu ba tinan rua oin mai nomós mai hodi simu presidente nia hanoin, no ami nia Planu atu hasa’e investimentu iha parté setor privadu, liuliu iha setor Turizmu, agrikultura nomós oinsa ita bele la’o nafatin ho projetu sira”, dehan representante International Finance Corporation (IFC) iha Timor-Leste David Freedman ba Jornalista iha Palasiu Presidensial hafoin remata enkontru semanal ho Presidente Republika Jose Ramos Horta, Tersa ( 21/06/2022).
Nia hatutan tán katak durante ne’e IFC halo ona koperasaun lubuk Ida iha Timor-Leste, maibé presiza servisu maka’as halo kooperasaun ho governu no ajensia kona-ba projetu aeroportu Dili.
IFC nia servisu la’o hela no atinji susesu lubuk Ida no ami haree tinan rua oin mai acelera servisu ne’ebé la’o hela no oinsa haklean tán ami nia resultadu durante ne’e ami mós halo parseira ho Kaebauk instituitu Finansa, atu kopera ho sira hodi koñese servisu finananseiru ba komunidade ba Timor-Leste tomak i iha mós koperasaun ho Ministerio Finansa no ajensia sira seluk kona-ba projetu Airoportu Dili nian, no sistema saude nian nomós projetu habitasaun iha Hera. Haktuir David Freedman
Iha parté seluk Representante IFC ne’e mós haktuir tán katak sira fornese ona osan 4.5 Millones ba Kaebauk.
Ami kopera ho Kaebauk no fornese osan kapital ba sira depois sira fó imprestimu ba kliente sira iha nasaun laran tomak no durante ne’e International Finansa Corporotion (IFC) investe ona osan ba Kaebauk hamutuk 4.5 Millones, depois Kaebauk nia imprestimu ba kliente sira mais ou menu 14 Milloes”.Hatutan Representante IFC
Entretantu iha enkontru semanal ne’ebé hala’o iha Tersa, 21 Juñu, iha Palasiu Presidensial Ai-tarak laran ne’e Ekipa Representante IFC haktuir, Presidente Repúblika fó fiar ba International Finance Corporation (IFC), no husu atu hasa’e tán investimentu estratejiku iha setór privadu rai laran nomós rai liur
Estajiaria : Zita Menezes
Editor : Agapito de Deus
