Lafaek News–Estudante Universidade Nasional Timor Loro sa’e (UNTL), fakuldade ekonomia departamentu komérsiu Efendio Adérito Domingos dos Reis, idade 28 fahe nia tempu hodi lori kareta atu hetan osan atu bele responde fali ba neseidade eskola.
Efendio lori mikrolete 010 tula pasajeiru diresaun BM tasi-tolu Bidau, nia esplora tempu hodi fahe oinsa buka osan no oinsá bele aproveita materia iha eskola UNTL, ho nai-maromak nia grasa hetan kontratu nu’udar motorista ho saláriu $130 kada fulan, servisu ne’ebé nia halo mak koduz kareta tula pasajeiru diresaun Tasi-Toli ba mai buka osan selu nia eskola no responde mos nesesidade uma laran.
Kareta ne’ebé nia lori ema nian no kada loron stor $ 20, no kada loron se sorte diak, pasajeiru rame estor mina nian iha no modo kalan nian sempre iha, no salário fulan ida hetan $ 130 ,bainbain hasai kareta tuku 7 dadersan, to lorokraik ba ense mina, fase kareta no tuku 8 kalan ba hatama kareta.
Agora dadaun hela iha kos iha hudi laran, ami uma laran hamutuk nain hitu, ami nain lima iha Dili no rua seluk iha foho, no ami nain haat universidade no ida seluk sekundária, ha’u maka hanesan maun boot, eskola iha UNTL, fakuldade Ekonomia, departamento Komérsiu Turizmu no da-daun livre teoria,alin feto segundo,eskola Universidade Nasionál Timor Lorosa’e, fakuldade Edukasaun, departamento Biolójia, semestre 7, no alin terseiro Medisina Geral, da-daun klase 3 ano, alin kuatru fakuldade Medesina, Departamento Laboratóriun, semestre 1, no alin seluk eskola sekundária Saun Pedro ,10 ano,’’haktuir nia.
Nia dehan, hanesan estudante labele soe tempu, maibé tenke uza tempu di’ak lori kareta atu sustenta Familia no presija ba nesesidade eskola nian no ajuda alin sira tanba alin sira mos estudante hotu, lori kareta to’o lorokraik hetan osan rahun uituan hodi ajuda fo fali osan ba alin sira lori selu bemo.
Ami barak entaun hau hanesan Mane boot,hau presija ajuda hau nia Apa no Ama hodi halo kamaan netik sira nain rua,tanba ami barak no eskola hotu,maske laservisu diak maibe lori kareta mos hanesan servisu ida hodi hatan ba ami nia moris.moris nee simples importante ita familia kontente ho saida mak ita iha,’ Efendio hakotu..
Estajiada : Ângela Carvalho
Editor : Agapito de Deus
