Lafaek News – Instituisaun Falintil-Forsa Defeza Timor-Leste (F-FDTL), inagura alojamentu apoiu kuartel Jeneral ne’ebé konstrui husi Enjenaria F-FDTL nain 15, tanba nee husu karik hela iha fatin nee tenke kuidadu hanesan ninia uma rasik.
Lia hirak ne’e hato’o husi Xefe Estadu Maior Jeneral F-FDTL, Tenente Jeneral Domingos Raul Falur Rate Laek” hafoin inaugura alojamentu apoiu Kuartel Jeneral Fatuhada Dili, sexta 22/04/2022 hodi husu unidade apoiu kuarter Jeneral ba futuru utiliza alojamentu ho responsabilidade atu bele dura too tempu naruk.
Ita boot sira ne’ebé aban bainrua hela iha nee tenke hadia no kuidade hanesan imi nia uma rasik halo Jardin iha uma oin no dreinajen iha uma oin nunee bainhira udan bee halai tuir nia dalan,” Tenente Jeneral Falur Rekomenda.
Xefe Estadu nee esplika, Forsa ema ne’ebé treinadu, professional, edukadu, no mos forsa ema ne’ebé sivilizadu mak mai hela tanba fatin ne’e la’os atu halo rungu-ranga
Ita hotu mai iha nee atu testemuña ba ita nia profisional enjenaria sira nia obra tanba ita haree enjenaria mak forsa ida neebe servisu makas liu iha institutu defeza tanba nee Ami halo planu imprime ida ba enjenaria didiak no adekuadu atu labele rasiona enerjia iha ita nia esforsu sira hodi halo sasan barak,” Falur relata.
Tuir dadus ne’ebé Lafaek News asesu, edifisiu ne’e konstrui husi enjineiru Falintil Forsa Defeza Timor-Leste (F-FDTL), unidade nee hamutuk 15 pesoal ho orsamentu neebe aloka ba alojamentu hamutuk $.4.679,03.00 ho durasaun fulan 6 ho nia medida 20×12, konstrui husi kontentor 3 inklui Uma ida 5×5 iha kontentor klaran.
Jornalista :Orlando Magno
Editor : Agapito de Deus
