Lafaek News–Porta-voz Ministériu Negósiu Estranjeiru EUA, Ned Price, kongratula Prezidente Repúblika eleitu, Premiadu Nobel da Paz, José Ramos Horta nia vitoria hanesan Prezidente Repúblika ba Timor Leste hodi hamtein parseiru rohan laek ho Estadus Unidos Amérika.
Ami kongratula Prezidente eleitu José Ramos-Horta ba ninia vitória hanesan Prezidente Timor-Leste nian no hein atu servisu hamutuk ho Prezidente eleitu Ramos-Horta hodi hametin parseria rohan laek entre Estadus Unidus no Timor-Leste,’’afirma Porta-voz Ministériu Negósiu Estranjeiru EUA, Ned Price liu husi komunikadu imprensa ne’ebé lafaek news asesu liu husi medisial EUA, sesta (22/04/2022).
Porta-voz Ministériu Negósiu Estranjeiru EUA, Ned Price dehan, ho abut metin iha valor no interese komun sira no parseiru EUA ho TL sei lori oportunidade atu hadiak moris povu Timor Leste nian liu husi dezenvolvimentu ekonómiku, saúde publika, kooperasaun, seguransa no interkámbiu edukasional no formasaun.
Ami elojia autoridade Timoroan sira, inklui Sekretariadu Tékniku Administrasaun Eleitoral no Komisaun Nasional Eleisaun ne’ebé administra ona eleisaun ida ne’ebé livre, justu no transparente inklui votante rihun atus resin ne’ebé ba vota ho dame. Eleisaun Timor-Leste nian ida ne’e sai hanesan inspirasaun ida ba demokrasia iha Sudeste Asiátiku, rejiaun Indo-Pasífiku no mundu. Konkista ida ne’e reprezenta pasu importante ida iha Timor-Leste ninia esforsu makas sira, hodi hari’i no hametin demokrasia ida ne’ebé forte no dinámiku iha tinan 20 nia laran hanesan nasaun independente ida,” Porta-voz Ministériu Negósiu Estranjeiru EUA ne’e hakotu.
Media Ofisial : EUA
Editor : Agapito de Deus
