Lafaek News-(Baucau)-Dirasaun Servisu Edukasaun Munisípiu Baukau, sesta (22/04/2022), realizza enkontru eskola husi ensinu báziku públiku inklui eskola privadu hodi desamina informasaun kona-ba ezekuasaun orsamentu merenda eskolar (ME) iha munisípiu Baukau.
Objetivu husi desaminasaun ne’e ko’alia kona-ba sirkular ida husi diresaun jerál administrasaun finansas ministériu estatal sobre ezekusaun orsamentu merenda eskolar ne’eb aloka liu husi autoridade munisipal no administrasaun munisipal.
Tamba ne’e mak atu ezekuta diak tuir sirkular ida ne’e ohin ita konvida hahu husi Edukasau Pre Eskolar, Ensino básizu Públiku no Katóliko no komunitáriu sira hamutuk 209, eskola ne’ebé sai hanesan benefisiáriu atu bele mai simu sirkular ida ne’e nia lala’ok iha implementasaun programa Merenda Eskolar ne’ebé tuir lolos ita implementa ona iha inísiu do ano fulan fevereiru, kestaun dadus no inísiu do ano tarde, tuir lolos ne’e implementa iha fulan Marsu más no hamosu tan sirkular ida ne’e foin mak sosializa no hein katak iha dia 09 Fulan Marsu hahú husi prosesu aprendizajen 2°períodu program merenda eskolar mos bele la’o,” dehan Diretor Edukasaun Augosto Hornai Ximenes ba jornalista sira iha Baukau, sesta (22/04/22).
Nia hateten orsamento Programa Merenda Eskolar ba munisípiu Baucau liu husi autoridade munisipal kuaze ba benefisiariu,32.000, orsamentu aloka ona loron 70, efektivus maske programa kalendáriu merenda eskolar iha loron 191,oras ne’e osan para ona iha konta bankária sentru ensinu básiku sira depois de desaminasaun ida ne’e hahú husi 25 Abril too 06 Maio tinan ne’e.
Ita nia problema baziku iha baze neebe mak atu implementa mak nee dapur, maibé dapur ne’ebé tenke saudavel, sanan, bikan ba alunos benefisiaria sira diak tanba ita bele orienta alunos sira lori husi uma, más sanan ho taxu ne’e problema, fornesedor sira atu tein problema liu edukasaun pre eskolar barak mak foun entaun sira seidauk iha dapur,’’ dehan diretor edukasaun Augosto.
Nia hatutan Orsamento ba Baucau tuir número estudante hamutuk 714.000 atu benefisiu ba 32.000 estudantes ba loron 70, ho orsamentu ba kada aluno loron ida sentavus 25, maske orsamentu ne’ebé oituan maibé buka para atu implementa eskola katóliko sira duante tinan 4 nia laran sira la hetan programa merenda eskolar.
Jornalista : Ana Romana
Editor : Agapito de Deus
