Lafaek News–Komandante Polísia Nasional Timor-Leste (PNTL) Rejiaun Administrativa Espesial Oe-cusse Ambenu (RAEOA), Sup. Xefe Mateus Mendes, husu membru polísia RAEOA atu garante seguransa no hatudu neutralidade iha sentru votasaun hotu.
Ita boot sira mak reforsa iha sentru votasaun liuliu materia sira ho komandu jeral no komandu distrital nian sira mak asegura sentru votasaun liuliu materia sensitivu sira ne’ebe mak ohin ita atu deslokasaun ba iha sentru votasaun sira,’’afirma Mateus Mendes ba jornalista iha Oe-kusse, segunda (18/04/2022).
Mateus Informa, membru PNTL no UPF hamutuk na’in 172 kompostu husi PNTL na’in 137 UPF na’in 35, sira partisipasaun iha sentru votasaun rasik hodi haree se mak bele tama no se mak labele tama iha sentru votasaun, tanba sira rona ona katak prosesu eleisaun segundu volta ne’e ninia kriteria hanesan mós eleisaun primeiru volta.
Tanba ne’e ha’u husu ba ita boot sira kaer metin imi nia kna’ar iha sentru votasaun saida maka imi bele halo no saida maka imi bele haree,no bele fo fatin ba ema ne’ebe mak tama ka la tama ita boot sira ninian servisu mak forsa na’in mak hodi hatudu ita ninia neutaridade no imperseialidade iha terenu no mos toma responsabilidade ba material sensitivu sira ne’e,’’ nia sublina.
Hatete nia , komandu fo fiar ba sira karik iha sentru votasaun identifika problema kiik oan ruma, karik halo aproximasaun ba pessoal atu ko’alia no halo komunikasaun karik mosu problema ruma iha terenu.
Komandu ho forsa sira prontu atu fo fiar no ajuda ita boot tanba ne’e ita boot sira la mesak iha sentru votasaun sei hamutuk ho ami ne’ebe pedidu ba ami bale fo apoiu karik iha situasaun difisil no transporte ne’ebe mak la ajuda ne’e iha fatin ne’ebe mak ami la to’o tanba ne’e ami sei fo apoiu ba sira iha sentru votasaun sira hotu ne’ebe sira la mesak ida komandu sei fo apoiu ba ita boot no CNE ho STAE kuandu sira hasoru problema ruma”,nia hakotu.
Entretantu, Comisaun Nasional Eleisaun (CNE) ho Sekretariu Tékniku Administrasaun Eleitoral (STAE) RAEOA distribui materia sensitivu no noun-sensitivu ba sentru votasaun hamutuk 60, estasaun Votasaun hamutuk 88.
Estajiadu : Eco Fernandes
Editor : Agapito de Deus
