Lafaek News–Kandidatu Prezidente Repúblika númeru sorteiu 1 José Manuel Ramos Horta afirma, nia parte konsidera no respeitu desizaun povu tomak nian hodi prontu simu lakon ho manan iha eleisaun segundu ronde.
Horta hatoo asuntu ne’e ba jornalista sira hafoin tuir vota iha sentru votasaun Metiaut tersa (19/04/2022), hodi hatete desizaun iha povu Timor Leste tuir direitu universal hanesan kandidatu prontu kualker desizaun husi povu.https://lafaeknews.tl/lu-olo-lakon-nafatin-kopera-ho-governu-kontribui-tl/
Prontu para manan, prontu para lakon,’’ katak Horta
Horta afirma, nia respeita no hakruk povu Timor Leste ne’ebé soberanu ezerse direitu sidadaun kada tinan lima hodi hili sira nia prezidente repúblika ida ne’ebé reprezenta duni nasaun ne’e ba mundu no sai aman ba povu, neutralidade ba partidu polítika hotu ne’ebé asenta iha parlamentu nasionál no la asentu iha parlamentu, respeita organizasaun arte marsial ho arte rituais sira hotu ne’ebé kontribui estabilidade paz iha rai ne’e.
See manan karik, agradese ba povu tomak, agradese ba maun boot Xanana Gusmão, partidu CNRT ho partidu hotu-hotu ne’ebé apoiu, movimentu oi-oin no grupu arte marsial no rituais hotu ne’ebé apoiu ona ha’u , sei tun hodi ko’alia ho partidu hotu inklui FRETILIN para ba oin ita servisu hamutuk para garante estabilidade paz iha rai ida ne’e nia laran,’’ Horta hakotu.
Observasaun lafaek news nota iha sentru votasaun Metiaut kandidatu númeru sorteiu 1 ne’e marka prezensa iha sentru votasaun ne’e tuku 7 :00 hodi ezerse nia direitu votu, akompañia observador internasional husi Uniaun Europea, CNE ho STAE no hetan seguransa másimu husi PNTL.
Jornalista : Agapito de Deus
Editor : Floriano Soares
