Lafaek News-(BAUCAU)–Intelektuál Baucau-oan hamutuk ho grupu partidus polítikus, organizasaun masa ho autoridade kompostus husi sukus 38 ho partidu CNRT munisipiu Baucau kontinua konsolida forsa hodi fó vitória ba Kandidatu Prezidente Repúblika, José Ramos Horta iha segundu volta.
Rezultadu apuramentu Munisipiu Baucau iha eleisaun presidensial loron 19 Marsu 2022, hatudu kandidatu Prezidente Republika, José Manuel Ramos Horta okupa segundu lugár ho totál votu hamutuk 15,898 (23,35%), tuir kedas kandidatu Independente Lere Anan Timor hetan votu hamutuk 11,370 (16,62%). Enkuandu Kandidatu Partidu FRETILIN Franisco Guterres Lú Olo manan iha Baucau ho votu 27,63 (40,15%) hosi total eleitor na’in-71.137.
Portavós Baucau-Oan nu’udar mós Koordenador Partidu PLP Munisipiu Baucau, Aderito “Domin” informa ba segundu volta sira kontinua konsolida forsa hodi tama sai uma komunidade konvese povu kontinua fó konfiansa vota nafatin ba Ramos Horta.
Ekipa dimamiza politika, ami tuur hamutuk halo evaliasaun ita konsilita di’ak litán ita nia forsa, ko’alia ba malu hadia naksalak sira buka atu hadia preparasaun ba segundu volta bele la’o di’ak litán hodi ita nia kandidatu hetan votória,” dehan Aderito liu hosi deskursu bainhira hala’o enkontru avalaisaun servisu hamutuk ho Koordenadór Jerál Kandidatu Prezidente Repúblika, José Ramos Horta, Tomas do Rosario Cabral iha Munisipiu Baucau, sabadu (26/03/22).
Iha fatin hanesan, Veteranu Baucau, “Alin Laek” alerta ba veteranu sira hodi hamarik iha filleira ida de’it vota ba Ramos Horta ne’ebé Maun Komandante En Xefe das FALINTIL, Kay Xanana Gusmão tula liman hodi hadia estadu ne’e.
Ha’u apela ba veteranus hotu- hotu atu hamariik iha fileirra ida hodi fó apoiu ba Maun Boot Xanana no Maun Ramos Horta kaer ukun hakuak ita nia alin sira para bele hadia ita nia rain no bolu sira halo dialogu hodi sente katak, ukun aan ita hotu bele moris di’ak, tanba ne’e, ba segundu volta, ha’u dehan ita fó zero (0) ba Lú Olo, ita vota ba Ramos Horta,” dehan Alin Laek.
Atual Lider Politikus Partidu PLP mós konsidera tempu too atu fó apoiu ba Xanana no Ramos Horta para bele hadia hikas povu nia moris tuir prinsipiu ukun rasik aan.
Alin Laek alera veteranu sira tenki hamutuk hodi fó vitória ba Horta sai prezidente no Xanana ba primeiru ministru para hadia mós problema lei veteranus nian hodi fó rekoñesimentu ba povu sira ne’ebé subar veteranu sira durante periodu luta bele hetan mós sira nia direitu pensaun.
Ha’u deside apoia Xanana para nia hadia lei veteranus sira nian, tanba tenki halo lei hodi fó rekoñesimentu ba ema sira ne’ebé uluk subar ami (veteran) iha ai-laran, se imi la vota, ha’u sei fila fali mai haruka taka imi nia dokumentu,” nia afirma.
Iha fatin hanesan, Reprezentante Baucau-Oan, Eduardo Gattot husu ba ekipa tomak atu labele kolen, maibé presiza servisu makas too lori Premiadu Nobel da Paz, Ramos Horta manan iha Baucau.
Eduardo Gattot sente agradese, taba tinan ne’e Baucua konsege rekolla votus ba Ramos Horta iha primeiru volta hamutuk 15,898 (23,35%),
Pelumenus ita konsege hasa’e votus no númeru ne’ebé ita konsege hetan hamutuk 15,898 (23,35%),” Gattot agradese.
Gattot konsidera apoiu ba Horta no Xanana nu’udar referenndu daruak nian, tanba 1999 povu hamutuk no Xanana maka lori Timoroan tomak luta no vota ba ukun aan.
Parte seluk, Reprezentante Veteranu Munisipiu Baucau, Fernando “Beredu” Gusmão dehan, Xanana no Ramos nu’udar lider uniku tanba iha ukun halo ona progresu dezenvolvimentu barak iha rai Timor-Leste hanesan, eletrsidade, estrada, ponte no projetu boot seluk tan ne’ebé povu rasik goja no haree nia realidade.
Mai ita apoiu ita nia maun Xanana no maun Ramos Horta hodi hadia ita nia rain, tanba ita lakohi terus tan hanesan tinan ida ne’e ita terus liu, tanba uluk ho ita nia Maun Xanana maka ita luta hodi hadia rai ida ne’e halo buat barak,” nia hatete.
Entretantu, Reprezentante Xefe Suku Gariwain- Baucau, Arlindo Belo Freitas dehan, servisu ne’ebé sira halo maka konvese povu atu labele lakon esperansa fó konfiansa nafatin ba Xanana no Horta.
Ami ho konsensia nu’udar autoridade sira apoia maun boot Xanana no Maun Boot Ramos Horta para hadia rai ne’e, tanba too agora ami haree katak, governu ida ne’e kaer ukun la halo too buat ida too agora, tanba ne’e ami ho konsensia ba hasoru Maun Xanana la halo kontratu politika ruma, maibe hakarak kontribui hadia rai ida ne’e,” nia hatetete.
Parte seluk, Koordenador CNRT Baucau, Virgilio Pereira hato’o agradese ba autoridade suku no masa partidu politikus no individu sira ne’ebe fó apoiu hodi konsolida forsa konvense povu hodi apoia Ramos Horta.
CNRT Baucau ho estrutura tomak sei kontinua koopera no koordena ho ekipa tomak atu haforsa servisu dor to dor ba fatin hotu-hotu iha Baucau hodi apoia Ramos Horta hetan vitoria no nia rekoñese atu lori Horta ba hetan votoria la’ós fasil, maibé presiza servisu makas liutan iha terrenu.
Entretantu, Koordenadór Jerál Kandidatu Prezidente Repúblika, José Ramos Horta, Tomas do Rosario Cabral hato’o agradese ba apoiu servisu ne’ebé ekipa tomak hala’o durante kampaña too prosesu votasaun la’o ho di’ak no Baucau konsege hasa’e pertejane votu ba Horta.
Nia dehan, mezmu ekontru ne’e, Horta no Xanana la partisipa, maibé sira fó fiar nafatin ba ekipa sira ne’ebé servisu atu kontinua fó konfiansa ba Horta iha segundu volta.
Maun boot nain-rua dehan, ita sei la manan iha Baucau, maibé ita nia esforsu maka hasa’e votus iha Baucau, tanba ne’e maun boot na’in rua sente kontente ho apoiu hosi veteranu, grupu partidu politikus, xefe suku na’in-38 ne’ebé fó apoiu masimu ho povu nia votu,” dehan Tomas.
Iha oportunidade ne’e, Segundu Vice Prezidente Partidu CNRT, Tomas apela mós ba ekipa fiaskas tomak iha Baucau atu ezije ba ekipa STAE bainhira prosesu votasaun ba segundu volta iha loron 19 Abril 2022 hala’o ekipa fiaskais kandidatu nian iha direitu atu hetan kopya atak
hosi STAE hodi bele iha baze legál halo reklamasaun bainhira mosu iregularidade ruma.
Bainhira eleisaun hala’o depois kontajen votu remata, ita tenki ejize ba STAE fó kopya akta id aba ita, para it abele iha baze legál halo protesta durante oras 24, bainhira mosu iregularidade ruma.” Nia hatete.
Tuir planu iha loron loron 27 Marsu agora Tribunál Rekursu sei fó rezultadu eleisaun prezidensiál primeira volta, no loron 1 Abril no loron 2 Marsu 2022, Kandidatu Ramos Horta sei hahú ninia kampaña ho modelu dor to dor ka mini kampaña iha kedas loron kedas semana santa paskua nian.
Parte seluk, Ekipa Susesu Kandidatu Ramos Horta agradese, tanba iha primeira kampaña primeiara volta, CNE la deteta iregularidade ruma maka mosu, tanba ekipa susesu sira ho kandidatu kumpre duni regra kampaña nian.
Jornalista : Abekha Raihusar
Editor : Agapito de Deus
