Lafaek News–Diretór Servisu Tékniku Administrasaun Eleitoral (STAE) munisípiu Baukau, Lucio Freitas, klarifik apuramentu kontajen votus iha STAE Baukau tarde tanba sistema nasional failla iha dalan klaran.
Ita hahú kontajen horikalan, maibé failla iha sistema hahú uma ora too madrugada sistema hatama dadus husi nasional mak failla,’’ informa diretór STAE Baukau ne’e ba jornalista iha kna’ar fatin Bauku, domingo (20/03/22).
Lucio klarifika situasuan ne’e katak, sistema atu hatama dadus la la’o, maske tenta ho remote husi nasional, maibé la konsege nafatin, tanba sistema STAE nasionál rasik nia baze dadus (data base) mak la la’o ho di’ak.
Ita nia sistema iha nasionál mak failla, tanba sistema atu hatama dadus la la’o, ita koko remot husi nasionál mos ladi’ak nafatin, sistema ne’e STAE Nasional nia data base maka la la’o, entau horikalan STAE Baukau ho fiskasain sira ita konkorda hapara kontajen ohin dader mak hahu fali dehan diretor STAE Baucau,’’ diretór STAE ne’e sublina.
Diretór ne’e hatete katak akta ne’ebé STAE Baucau apurado ona iha 20 resin, iha Baucau iha sentru votasaun hamutuk 125 ho estasaun votasaun 150, agora falta atus ida resin mak seidauk halo apuramentu.
Ita espera aban ne’e ami bele konklui hodi ba nasional tanba tuir lei ita iha oras 72 ami tenke loro ona ba CNE Nasional mak hala’o apurametu nasional,’’ relata Lucio Freitas.
Jornalista : Acacio Pinto
Editor : Agapito de Deus
