Lafaek News–Sekretariu Jeral (sekJen) Partidu Demokrátiku (PD), Antonio da Conceição ‘Calohan’ hatoo agradesimentu boot militantes ho apoiantes ne’ebé suporta enjeneiru Mariano Assnami Sabino Lopes bele komsege iha eleisaun prezidénsial periodu 2022-2027.
Calohan liu husi komunikadu ne’e hateten nudar sekretariu jerál no portavoz kandidatu Eng. Mariano Assanami Sabino Lopes nebe PD oferece hodi Concorre iha Eleisaun Presidencial ne’ebé hala’o iha loron 19 de Marsu, kumprimenta povo Timor Leste tomak no agradece ba desisaun ne’ebé povu hola ona hodi hili prezizdente repúblika foun ida ba Timor Leste.
Kandidatu Assanami hakarak fo saudaaun espesiál ba apoiantes hotu ne’ebé fo ona votus ba nia nudar afirmaaun konfiansa nian no mos agradese ba seluk ne’ebé ladauk bele fo konfiansa ba Assanami,’’ katak Calohan liu husi komunikadu imprensa ne’ebé lafaek news asesu iha loron domingu (20/03/22).
Hodi dehan, nudar jerasaun Intra-jerasionál Assanami la desanima ho rezultadu ne’ebé nia hetan, maibé nafatin hatudu nia prontiaun atu Servi ba rai ida ne’e hamutuk ho kandidatu ne’ebé mak manan konfiansa husi povu.
Assanami mos husu deskulpa ba povo tomak ba liafuan ruma ne’ebé sukit Inan-aman sira nia fuan hodi mos hákanek povu nia sentimentom maske Assanami buka ona atu simu todan, maibé povu mak deside atu aman sira hasan lai todan ne’e, tanba ne’e Assanami sei buka la’o tuir karik aman sira presiza tulun ruma hodi fo netik be kopu ida karik sira hamrook sura ho nia iha viajen ne’ebé aman sira sei lao hela ba ne’e.
Ikus liu Assanami hatoo parabéns ba kandidatus hotu, tanba haburas ona demokrasia no hametin nafatin estabilidade iha ita nia nasaun parabens ba kandidatu José Ramos Horta nudar kandidatu mais votadu iha eleisaun Presidensiál, povu nia lian maromak nia lian,’’ Calohan remata.
Jornalista : Acacio Pinto
Editor : Agapito de Deus
