Lafaek News-( Manatuto)-Ekipa susesu kandidatu númeru sorteiru 9 husi Partidu Kmanek Haburas Unidade Nasionál Timor Oan (KHUNTO), Marito Magno, kondena makas aktus brutalizmu iha Baukau iha Domingo ne’e,ne’ebe Komete husi partido (KHUNTO) no husi partido (FRETILIN) Nian ,ne’ebe Rejulta Apoiantes husi Kandidatura Armanda Berta Nian hetan Tohar no Kanek.
“Horbainrua komfrontus iha Baukau apoiantes sira husi Kandidatu Armanda Berta do Santos Nian, husi Postu Administrativu Baguai, kelikai no Laga hetan Impedementu, nune’e apoiantes sira tuda no halo Komfrontus iha parte ne’eba, no halo ami nia apoiantes ida Liman Tohar no balun hetan agregasaun , Tanba ne’e Ami kondena Makas ho hahalok Brutalismu Sira ne’e,Ita hatene katak militantes Khunto ne’e la’os hamrik iha estrada, sira sae kareta la’os hamrik iha rai,”dehan prezidenti ekipa sucesu Marito Magno ba Jornalista lafaek news iha Manatuto 07/03/2022
Ho akontesimentu ne’e ekipa suesu kandidatura Armanda Berta nian, sei entrega kazu ne’e ba justisa no husu Polísia Nasionál Timor Leste atu halo investigasaun klean se mak sala lei mak sei kondena.
Tanba ne’e ita entrega ba polisia hodi hala’o nia kna’ar ,se Karik mak ami nia militantes sira mak estraga duni entaun lei mak sei kondena, karik iha Apoiantes Balun Mak provoka no tuda mos lei mak sei kondena, ne’ebe ita entrega ba Polisia parte justiça mak sei halo Semak los no semak sala.”tenik Marito
Marito afirma dadaun ne’e Parte ekipa Sucessu husi Kandidatura Armanda Berta Do Santos Nian komunika ona ho Ekipa Sucesu Kandidatura Numeru Sorteiu ne’en ,atu bele halo investigasaun lolos Kona ba motivu husi Kazu nee
Ami komunika ona ekipa Sira husi Kandidatura Numeru Sorteiu ne’e atu hamutuk hare took Nia motivu lolos, ou karik iha ema ruma mak Apoiu husi kotuk, tanba ne’e ami sei halo ida ne’e,” dehan Prezidente Ekipa sucesu KHUNTO.
Maske nune’e ekipa suesu husi kandidatura Armanda Berta Nian mos Informa ona ba Polisia nasional Timor Leste (PNTL), atu loke prosesu investigasaun ba kazu ne’e ,Maibe parte husi Khunto Nian mos husu ba ema hotu atu obedese no Kumpri ba regras ne’ebé hatur ona iha Lei.
Informasaun ne’ebe Ami simu kuaze Ami Nia militantes nain ha’at mak kanek ,inklui mós Komfrontus iha parte ne’ebe venilale nian ne’ebe hodi asaltu mos, Tanba ne’e Mak Ami hakarak loke procesu investigasaun para Ami bele hatene! sera ke Ema ne’e planeiadu ,Tanba ne’e Parte husi Kandidatura nainrua Nian komunika ba malu hodi hare no labele mosu Tan Konfrontus ruma.”Haktuir Maríto Magno.
Tan ne’e Partidu Khunto husu Ba sidadaun hotu atu respeita Malu , nune’e Kampanha Ba Eleisaun Prezidensial ne’e bele Lao ho sucesu tuir regras ne’ebe hatur ona nomos tuir Regras ne’ebe hala’o ona iha Palku unidade Nasionál Liu ba Molok Tama ba tempu Kampanha eleitoral Nian.
Enkuantu Komfrontus ne’e akontese bainhira Apoiantes sira husi kandidatu Armanda Berta nian, desloka husi parte Baguia, Kelikai no Laga Nian Mai Baukau, atu tuir no rona programa kampanha eleitoral nian ne’ebe Hala’o iha suku Triloka, maibé to’o iha dalan Parte Rotunda Villa antiga nian ,mosu Komfrontus entre apoiantes kandidatura númeru sorteiu ne’en Nian ne’ebe Hala’o Hela Sira Nia aktividade iha Parte vila Antiga ne’e.
Husi akontesimentu ne’e, tuir informasaun ne’ebé jornalista lafaek news rekoila iha terrenu rejulta motorizada balun estragus inklui uma komunidade nian.
Nune’e iha parte lorokraik mós bainhira kampańia eleitoral ba kandidatura Armanda Berta nian termina, apoiantes sira husi postu administrativu Venilale nian, hetan tuda no atake malu iha parte Berkoli nian ne’ebe rezulta apoiantes balun hetan kanek, wainhira viajen hela tuir dalan fila ba uma.
Iha fatin hanesan, Konselleru masímu Partidu Kmanek Haburas Unidade Nasional (Khunto), José dos Santos Naimori Bukar afirma, di’ak liu hili kandidatura ne’ebe mak beik, duke ba hili kandidatura Matenek hodi halo tuir sira nia hakarak de’it.
“Ha’u hakarak atu dehan de’it ba imi diak liu povo hili kandidatura beik ne’e, duke ba hili ema matenek ne’e hodi halo tuir sira nia hakarak,no nauk mos tuir sira Nia hakarak de’it,” dehan Bukar Jornalista lafaek news iha kampum futebeol Manatuto 06/03/2022.
povu la hare’e ba liafuan ne’ebe ko’alia barak ,maibe povu presiza deit saida mak ita halo ona ba Povo ukun nee Ukun ho fuan Laos ho liafuan ,ema matenek koalia barak,maibe laiha asaun ema ne’ebe nonok iha asaun.
Nia deklara, maske kandidatura Armanda Berta ema barak hateten aat, Lider ne’ebe inkapasidade no no lori imi atu ba nbe ,maibe nia nunka na’ok Povu nia osan.
Ema hotu, hotu preokupa katak ita nia kandidatura ne’e beik ten,nia atu lori imi ba ne’ebe?,hau só hamnasa de’it ó ida matenek ne’e ukun tinan 20 halo saida ona ba rai ida ne’e ? “ Dehan Naimori Bukar
Naimori dehan, Hadomi rai Ida nee,mak estabilidade hadomi Povo Ida nee mak liberdade,labele halo povo hanesan karau Timor hodi Duni natar
Maluk sira tenke fuan mos,laran mos ba rai Ida nee tenke hadomi Povo Ida nee labele halo povo hanesan karau Timor hodi Duni natar lori hare’e isin ba uma karau han nia kai,”dehan Naimori
Tuir observasaun ne’ebe jornalista news hetan iha terrenu kampana ba loron dalane’en nian hetan partisipasaun masímu husi militante no simpatizantes Manatuto no mós Hetan observasaun husi CNE nasíonal no internasíonal no hetan seguransa masímu husi PNTL husi munisípiu
Jornalista: Domingas Viana
Editor : Agapito de Deus
