Lafaek News– Koordenadór Frente Revolusionáriu Timor-Leste Independente (FRETILIN) munisípiu Likuisá, Luis Tilman hatete, figura FRETILIN agora la hanesan uluk, Juventude komesa barak ona FRETILIN sei la mate tan, FRETILIN mak iha poder atu ukun.
Figura ohin iha ne’e no tinan kotuk la hanesan, Juventude komesa barak ona FRETILIN sei la mate tan, FRETILIN mak iha poder atu ukun , ita mak uluk an, partidu seluk iha okos, ita mak hahu tanba ne’e ita mak uluk, tanba ne’e Presidente Repúblika ema FRETILIN nian”, dehan koordenador FRETILIN Munispiu Liquiça iha intervensaun kampania kandidatu Francisco Guterres Lú Olo, datoluk nian iha kampu Fetebol suku Dato Munispiu Likisá, sesta (04/03/2022).
Koordenadór ne’e haktuir FRETILIN Likisá ne’e dehan, partidu FRETILIN la sai inimingu ba ema tanba mesak Timor oan hotu, maibé ema seluk tenke mai hamutuk ho FRETILIN hadia nasaun ne’e buras liután.
Iha fatin hanesan Presidente Partidu OS Verdes de Timor, Antonio Lela Huno Cruz haktuir partidu OS Verdes, fo tomak apoiu ba kandidatu Francisco Guterres Lú Olo, hakarak dala ida tan sai Presidente Repúblika.
Ami partidu os Verdes, fo tomak apoiu ba ami nia kamarada Francisco Guterres Lú Olo hakarak dala ida tan Presidente Repúblika”, dehan Presidente partidu os Verdes de Timor Antonio Lela Huno iha intervensaun ba kampaña Datoluk nia iha kampu Fetebol Suku Dato, Munispiu Liquiça.
Lela Huno dehan, Partidus Os Verdes Timor fo apoiu, vizaun ida atu harii Timor-oan ida inkluzivu, sustentavel, Timor ida matak no malirin, sei lori votus, ba kandidatu Lú Olo, FRETILIN representante lulik no ran, uma lisan, no avo sira fiar husi jerasaun ba jerasaun tanba ne’e mak OS Verdes hakarak hamutuk ho FRETILIN.
Partisipa iha kampania datoluk kandidatu Francisco Guterres Lú Olo iha Suku Dato Kampu Futebol Munispiu Likisá ne’e partisipa husu Sekretáriu Jeral partidu FRETILIN, apoiantes sira no populasaun no festa demokrasia iha Likisá la’o di’ak too remata.
Jornalista : Rita Moniz
Editor : Agapito de Des
