Lafaek News (Manufahi)- Komisaun Nasionál Eleisaun ( CNE ) hamutuk ho Provedoria Direitu Humanu Justisa ( PDHJ ) husi Munisipiu Manufahi kontrola Máximu ba labarik sira la involve iha Tempu kampañia.
Tékniku Monitórizasaun PDHJ, Laila da Costa hatete,hahú husi kampañia labarik sira iha, maibé parte seguransa sira halo intervensaun hodi haruka fila atu labele tama iha fatin kampañia.
Tuir monitorizasaun desde ohin ami haree kuaze labarik sira iha maibé parte seguransa halo intervensaun kedan ne’e hatudu katak sira nia tinan seidauk to’o para atu tuir atividade kampaña” dehan nia ba lafaek news iha Manufahi horisehik ( 03/03 2022)
Tanba ne’e, nia dehan,monitorizasaun sei kontinua tamba prosesu tomak sei iha semana rua nia laran tuir kandidatura sira seluk sei halo kampaña
https://lafaeknews.tl/armanda-xave-ba-dezenvolvimentu-presiza-iha-paz/
Sira kuandu tama ona ne’e ema dada sai kedas signifika husi partidu mós iha maduru katak partisipasaun labarik labele”dehan nia
Maibé molok atu tama iha tempu kamapaña PDHJmós tuir ona treinamentu konjunta lubuk ida atu observadór sira tenke haree asuntu refere ho sériu.
Diretór CNE Manufahi Belina dos Reis hatete,parte CNE mós akompaña labarik sira barak maibé kuandu tama iha kampu fatin kampaña mak sei hasai dokumentasaun foto hodi halo relatóriu ba nasionál bele prosesa
Tuir lolos ita haree ida ne’e viola maibé ita sei halo relatóriu ba nasionál oinsa para bele bolu kandidatu sira tama ami seidauk haree labarik sira uza atributu partidu nian tama ba laran” dehan nia
Jornalista :Domingas Viana
Editor : Agapito de Deus
