Lafaek News-(Manufahi)- kandidatura Prezidente Repúblika períodu 2022 2027 ho númeru sorteiu (9) Armanda Berta dos Santos, afirma bainhira povo fo fiar sei halo tuir konstituisaun hodi hametin paz no lori prosperidade ba povu.
Se povu fo fiar,ha’u sei halo tuir ha’u nia misaun,sei hametin paz lori estabilidade progresu no prosperidade ba povo tomak nia di’ak,’’aehan Armanda Berta ba lafaek news iha kampu futebol Same Vila, kinta (03/03/22).
Kandidatu númeru 9 ne’e hakarak konstituisaun mak sai matan dalan ba xefe estadu hodi la’o tuir, halo kna’ar prezidente repúblika ho lolos atu garante unidade nasional hodi servisu hamutuk ho governu liberta povu husi kiak no mukit. https://lafaeknews.tl/armanda-berta-promete-hasai-povu-husi-kiak-mukit/
Nuudar Xefe estadu ha’u garante povu sei moris iha ambiente paz no estabilidade Nia laran atu bele kore povu husi kiak no mukit Nia laran ,atu promove unidade sai ajenda principal iha ha’u nia kna’ar,”tenik Nia
Berta dehan, intensaun husi kompromisu ida ne’e atu bele garante liberdade ba sidadaun hotu-hotu, tanba liberdade nu’udar baze fundamental ba sidadaun hotu iha sosiedade laran.
Objetivu husi kompromisu atu promove igualidade social no inkluzaun atu bele garante liberdade sidadaun hotu, tanba liberdade nu’udar baze fundamental ba sidadaun hotu atu Sira bele ezerse Sira Nia Direitu no dever livre no laiha ameasa husi konstituisaun RDTL,”dehan kandidatura Berta
Tuir observasaun lafaek news iha terenu nota militantes no simpatizantes númeru sorteiru 9 nakonu iha kampu futebol Same Vila ema kuaze besik rihun 2 resin, inklui observador internasional ho CNE, no seguransa máximu husi PNTL munisipiu Manufahi.
Jornalista : Domingas Viana
Editor : Agapito de Deus
