Lafaek News–Xefe Estadu Maior Jeneral Falintil-Forsa DefezaTimor-Leste (F-FDTL), Tenente Jeneral Falur Rate Laek, afirma too agora nia parte seidauk informasaun atu apoiu seguransa durante períodu kampania eleisaun prezidensiál, Polísia Nasionál Timor-Leste (PNTL) sei hala’o tuir lei.
Xefe Estadu Maior Jenéral Falintil Forsas Defeza Timor-Leste (F-FDTL) Tenente-General, Falur Rate Laek hato asuntu ne’e iha Palásiu Prezidensiál bairo-pite kuarta 16/02/2022, hafoin hala’o enkontru semanal ho atùal Prezidente Repúblika Francisco Guterres Lú Olo.
Atu apoiu seguransa durante kampañia, to’o agora deretiva seidauk simu, atu apoiu seguransa, ha’u hanoin apoiu seguransa ne’e PNTL, mak halo barak liu, PNTL mak tenke halo tanba ida ne’e seguransa lei mak defini,’’ katak Falur Rate Laek.
Tuir Tenente-General ne’e katak, Forsa Falintil Defeza Timor-Leste( F-FDTL) la’os lalin kiat tun sa’e tiru populasaun sira, polísia mak iha kompetésia absoluta asegura kampania prezidensial periodu 2022.
Iha enkontru semanal ne’e, Xefe Estadu Maior-Jenéral FalIntil Forsas Defeza Timor-Leste(F-FDTL) Tenente-General, Falur Rate Laek ho Prezidente Repúblika Francisco Guterres Lú Olo toka asuntu kona ba faze transmisaun komandu ninian.
Jornalista : Rita Moniz
Editór : Agapito de Deus
