Lafaek News–Hahú loron kuarta (15/02/2022), aviaun Qantas husi Austrália komesa hala’o operasaun iha Timor Leste ba mai Darwin
Informasaun ne’ebé media ne’e asesu iha loron tersa (15/02/2022),liu husi pájina (facebook) husi embaixada Austrália iha Timor Leste sita katak Ministra Negósiu Estranjeiru no Kooperasaun (MNEK) Timor Leste, Adaljiza Magno, hamutuk ho Qantas CEO, Alan Joyce AC, no Xefe Ministru Territóriu Norte Austrália, Michael Gunner, hodi anúnsia voo foun husi Darwin Dili ba mai Timor ho Austrália.
Entretantu, liga ho asuntu ne’e Ministra Negósiu Estranejeiru no Kooperasaun (MNEK) Timor Leste, Adaljiza Magno, ofisialmente sei lansa konferénsia imprensa iha loron kuarta (16/02/2022), no tuir ajenda Ministra Negósiu Estranjeiros no Kooperasaun (MNEK), Adaljiza Magno, sei mai ho aviaun Qantas tun iha areportu Internasional Nicolao Lobato, dadeer iha Tuku sanulu resin ida liu menutu Toli nolu (11:30) oras Timor Leste hodi kontinua kedan ho konferénsia imprensa ne’e.
Tan ne’e voo sira inisialmente sei hala’o operasaun dala 3 kada semana (Segunda, Kuarta no Sesta) molok aumenta ba dala 5 kada semana iha Juñu, servisu foun sira-ne’e mai husi Austrália hodi loke fronteira atu vasina kompletu (no lori visto) na’in sira husi loron 21 fulan Fevereiru no sei liga Timor-Leste ba rota doméstika no globál Qantas nian.
Voo foun ne’e mak primeira vez hala’o operasaun iha akordu bilaterál servisu aereu entre Austrália no Timor-Leste ne’ebé mak tama ona iha vigór iha tinan kotuk. Embaixada Austrália kongratula Qantas, Ministeriu Transportes no Komunikasaun no Autoridade Aviasaun Civil Timor-Leste konaba anúnsiu furak ida-ne’e.
Jornalista : Acacio Pinto
Editor : Agapito de Deus
