Lafaek News–Xefe Estadu-Maior-Jeneral Falintil-Forsa DefezaTimor-Leste (F-FDTL), Tenente-General, Falur Rate Laek, informa rekrutamentu membru Forsa Falintil Defeza Timor-Leste foun agora preparadu posibilidade fo sai iha fulan Abril tinan ne’e.
Falur Rate Laek hato asuntu ne’e hafoin hala’o enkontru semanal ho Prezidente Repúblika Francisco Guterres Lú Olo iha Palásiu Prezidensiál bairo-pite kuarta 16/02/2022, katak posibilidade fulan Abril 2022 taka ba públiku kona-ba rekrutamentu forsas armadas foun.
“Rekrutamentu membru F-F-FDTL foun ne’e agora preparadu, prepara atu halo ida ne’e se bele iha fulan Abril nia laran”, dehan Xefi estadu-Maior-General Falentil -Forsa DefezaTimor-Leste(F-FDTL), Tenente-General, Falur Rate Laek ba jornalista sira iha Palásiu Prezidensiál bairo-pite kuarta 16/02/2022.
Tuir Falur, mekanizmu ida ne’e fo prioridade ba sidadaun hotu-hotu, ba joven sira hotu ne’ebé mak kumpri rekezitu no kondisoens ne’ebé sei defini iha rekrutamentu ne’e.
“Sei iha Posibilidade mos ba sidadaun sira ne’ebé mak la konsege passa iha rekrutamentu antes ne’e, na’in hira mak bele rekruta ida ne’e instituisaun alta de seguransa labele kestiona ida ne’e”, hakotu Falur.
Jornalista : Rita Moniz
Editor : Agapito de Deus
