Lafaek news (Baukau)-Médiku Servisu Sentru Saúde Vemase (SSV), postu administrativu Vemasse, munisípiu, Baukau, Adelina Freitas, informa durante fulan janeiru to’o fevereiru 2022, sentru saúde, Vemasse, rejista moras Infeksaun Vias Respiratóriu (ISPA-sigla Indonézia) hamutuk 217.
Dezde fulan janeiru to’o fevereiru ita rejistu kazu barak iha sentru saúde Vemasse, moras ISPA mane-124 feto-93 total hamutuk 217,’’dehan Adelina ba lafaek news iha kna’ar fatin Caicua, kuarta feira (9/2/2022).
Nia hatutan, moras Infeksaun Sistema Respiratóriu (ISR) mosu, tanba mudansa klimátika no tempu udan, fo ambiente ladi’ak ba labarik, hodi hamosu moras, mear, inus-been no-mos kabun moras.
Nia informa, sentru saúde Vemasse ne’e mos, rejistu moras diárea hamutuk 43 mane-14 no feto-29, husi total ne’e la rejista ema mate.
Oras ne’e da-daun, sentru saúde Vemasse, hala’o hela sensiblizasaun no formasaun oinsá prevene moras dengue iha tempu udan.
Ami bai-bain sai ho ambulánsia hodi fo formasaun ba komunidade hodi hamoos bee tanke, uma ninin, no lata fo’er atu evita dengue no-mos fahe muskiteiru ba komunidade sira bainhira halo konsulta iha sentru saúde ne’e rasik, nune’e bele evita moras dengue iha ,”tenik nia.
Nia informa, oras ne’e da-daun, sentru saúde refere hasoru mos difikuldade, tanba stock ai-moruk durante fulan janeiru sufisiente, maibé inísiu tama fulan fevereiru ai-moruk antibiótika mak menus, kada-fulan sempre iha pedidu ai-moruk más, bainhira too iha fulan-klaran mak laiha entaun husu emerjénsia atu rezolve.
Oras ne’e da-daun, sentru saúde refere hasoru mos difikuldade, tanba stock ai-moruk durante fulan janeiru sufisiente, maibé inísiu tama fulan fevereiru ai-moruk antibiótika menus, stock aimoruk ne’ebé menus, hanesan sarope ba labarik nian, inklui tablet amoxicillin, no ai-moruk amoxicillin, sarope,”nia esplika.
Jornalista : Joãozinho Bosco
Editor : Agapito de Deus
