Lafaek News–Sekretariu Estadu Komunikasaun Sosiál (SEKOMS), Mericio Juvinal dos Reis Akara informa, tékniku sira kona-ba lista Jornalista liña frente nian ne’ebé laiha sei iha tékniku para rezolve.
Iha nivél tékniku ha’u bele dehan iha ona progresu tanba ba ona Ministériu Finansas atu halo verifikasaun, halo justifikasaun balu, ne’ebé tékniku sira hanesan ne’e ha’u hanoin sei iha tempu atu kontinua rezolve, por ezemplu liña frente ne’e Jornalista de’it ka sira servisu iha editór video, editór testu no sira seluk,” dehan SEKOMS Meriso Juvinal Akara ba Jornalista sira iha Edifísiu Konsellu Imprensa Balide, kinta (10/02/2022).
Nia informa, tékniku internál ne’ebé mak tenke halo ajustamentu, em termus politika ne’e klaru ona katak ba ona Ministeriu Finansas (MF) hodi halo prosesu pagamentu.
Ha’u sei haree se buat balu seidauk kompleta karik sira ne’ebé merese atu hetan liña frente ne’e seidauk, tempu sei iha atu halo ajustamentu,” hakotu Nia.
Jornalista : Juvita dos Santos
Editor : Agapito de Deus
