Lafaek News–Vise Ministru Interior Antonio Armindo informa, Iha tinan kotuk nia parte ko’alia ho embaixada Austrália ikus mai oferese bolsu estudu ba PNTL feminina Superintendente Xefe Natercia Martins.
Ida ne’e husi ministériu Interior mak halo kordensaun ka Lobi ba ita nia parseiru sira hanesan ita hatene benefisiariu mak PNTL entaun ita planu ba tinan oin husi ministériu sei ko’alia tan ho embaixada Austrália nune’e tuir tan mai bele aumenta númeru partisipante iha bolsu estudu, dehan VAntonio ba Jornalista iha Hotel Timor Kolmera Dili, (11/11/2021).
Antonio relata, ema hotu hatene ona katak, Governu Austrália oferese bolsu estudu ba Instituisaun rua seguransa no defeza kada tinan haruka oficiais sira ba eskola iha Austrália hodi hasa’e sira nia abilidade no konesimentu liu-liu iha area seguransa no defeza nian.
Ita prefere tinan oin ne’e feto PNTL nain rua mak sei hetan bolsu estudu hafoin ida ne’e, sesaun tuir mai mak ita foin kahur PNTL feto ho mane bele hetan hotu bolsu estudu, maibé agora nee ita haree uluk feto sira,” Antonio deklara.
Tuir governante ne’e katak durasaun tempu ba bolsu estudu iha Austrália nian seidauk hatene, maibe hanesan bai-bain bainhira tama iha mestradu, durasaun tinan tolu remata, iha lisensiatura sei too tinan lima mak foin remata.
Jornalista :Orlando Magno
Editor : Agapito de Deus
