Lafaek News—Sekretariu Estadu Joventude no Desportu (SEJD) liu husi komisaun oraganizadora loron nasional joventude 12 Novembru 2021, realiza atividade diskursu públiku ba jovens sira hodi selebra loron nasional joventude ba dala XVI no komemorasaun masakre santa kruz 12 de Novembru 1991 ba dala XXX, ho tema ‘espiritu as wain 12 Novembru nian, joventude sai autór importante ba proteje Timor Leste husi Covid-19.
Tuir Vise prezidente komisaun oraganizadora ba loron nasional joventude, Vicente da Silva Antonio, hatete, objetivu realiza atividade ne’e atu kompleta loron nasional joventude bad ala XVI no mós komemorasaun loron masakre santa kruz 12 Novembru bad ala XXX.
“Iha selebrasaun loron nasional joventude no masakre 12 Novembru ne’e joventude máka sai pertensia ba selebrasaun ne’e rasik, tan ne’e iha diskursu públiku ba jovens sira atu bele ejerse sira nia an, tanba ita hare’e katak potensia joventude sira nian sai hanesan sasukat ida katak ita fiar nasaun ida ne’e bele forte,” dehan Vise prezidente, Vicente da Silva Antonio, liu husi nia diskursu iha jardin Motael, kinta (11/11/2021).
Iha fatin hanesan Prezidente Juri Alexandra de Araújo Tilman, fundamenta, iha eventu ne’e atu enkoraja liu tan jovens sira liu husi diskursu públiku, nune’e sira bele hatene kriteira tolu hanesan maneira aprezentasaun, metodu no materia.
“Engeral sira tenki iha koñesimentu ba formasaun tenki hatene ba pergunta xave, faktus sira no tenki hato’o mós dadus, nune’e aplika iha diskursu públiku,” tuir nia.
Enkuantu eventu ne’e responsavel masimu husi Sekretariu Estadu Juvntude no Desportu (SEJD) ne’ebé mobiliza organizasaun sira, sai hanesan komisaun hodi lidera atividade selebrasaun loron nasional joventude no masakre santa kruz 12 Novembru nian.
Entretantu partispante iha diskursu públiku kompostu husi feto no mane hamutuk 33, ba primeiru lugar sei hetan $200.00, segundu lugar $150.00, treseiru lugar $100.00 no kuartu lugar $75.00.
Jornalista : Azelio da Cruz
Asisten Editór : Pedro de Almeida
