Lafaek News–Polísia Nasionál Timor Leste (PNTL), liu husi Seksaun Tránzitu munisípiu Dili sei blokeia Estrada diresaun semitériu Santa Krus hodi selebra nasionál 12 Novembru ba dala 30.
Husi ponte my friend nian tun mai ita blokeia ka taka depois husi Audian nia sa’e ba santa kruz mos ita taka,’’dehan Komandante Tránzitu Munisípiu Dili, Domingos Gama, ba jornalista iha nia kna’ar fatin Kaikoli Dili, Kuarta (10/11/2021).
Gama esplika, apelu ba komunidade sira ne’ebe hela iha kapital nasaun Timor Leste katak, dalan ne’ebe Polísia Tránzitu blokeia labele liu bainhira uza transporta públiku.
Ita prepara ba aniversáriu 12 novembru nian, tanba ne’e husu motorista ne’ebe uza transporte públiku bele la’o tuir diresaun ne’ebe livre ka la blokeia hodi kontinua halo movimentu,” nia rekomenda.
Entretantu membru polísia ne’ebe sei koloka iha estrada públiku ne’ebe Polísia Tránzitu sei blokeia hamutuk membru besik 70 resin.
Jornalista :Orlando Magno
Editór : Agapito de Deus
