Lafaek News–Prezidente Komisaun Funsaun Públika (KFP), Faustino Cardoso Gomes, informa funsaun publika realiza ona teste promosaun grau ba funsionariu hamutuk 8.700 hodi kompete vaga hamutuk 878.
Faustino Cardoso Gomes hatoo asuntu ne’e ba jornalista sira iha segunda (18/10/2021), iha rezidensia Primeiru Ministru Farol Dili hafoin relata asuntu realizasaun promosaun grau iha Komisaun Funsaun Publika ba xefe governu ne’e.
Kandidatus 8.700 i tál ne’e hotu-hotu hadau lisuk promosaun ba vaga hamutuk 878,” dehan Prezidente Komisaun Funsaun Publika ba Jornalista iha Rezidénsia iha PM Faról Dili, Segunda (18/10/21).
Ba tinan ida ne’e, teste promosaun eletrónika hala’o ba datolu, hahú dahuluk nian hahu husi tinan 2019, 2020 no 2021 ne’e, iha tinan ida ne’e iha kandidatus ba teste promosaun ne’e hamutuk 8.700 resin hodi kompete ba vaga hamutuk 878.
Aleinde ne’e, iha tinan ne’e mós iha teste online promosaun nian, hodi hatan ba diplomata sira, funsionáriu tékniku sira mak destakadu iha misaun diplomata iha mundu tomak, iha embaixadas sira hamutuk 19 ne’eb destaka iha sidade hamutuk 24 inklui Atambua, Austrália, Amerika, Europa, Japaun no seluk tan no teste ne’e hahú ohin no sei termina iha dia 3 de dezembru 2021.
Prezidente KFP akresenta relata, kada loron sei iha ema atus tolu (300) mak tuir teste ne’e, nune’e mós fahe ba turnu tolu, turnu ida ema atus ida, lolos ne’e bele barak liu tan tuir esperénsia tinan rua liu ba bele to’o atus hitu resin, maibé tinan ida ne’e tenke iha distansiamentu sosiál, entaun bele de’it ema atus tolu.
Teste promosaun ne’e real time, remata iha sala teste sai mai haree kedas rezultadu,” katak Prezidente KFP Faustino.
Enkuantu vaga 878 ne’e núdar vaga promosaun tuir grau ida-idak nian hanesan grau B ba A, husi C ba B, husi D ba C, husi E ba D, hudi F ba E no husi G ba F.
Ita iha funsionarius permantes no ajente funsaun públika 35.525 ne’e la inklui sira ne’ebé mak tama kategoria kazuais ne’ebé selu husi BNG, maibé sira ne’ebé hau temi ne’e sira ne’ebé selu husi salariu no vensimentu husi instituisaun ida-idak nian,” hakotu Nia.
Jornalista : Juvita dos Santos
Editor : Agapito de Deus
