Lautem-(Lafaek News)—Servisu Diresaun Transporte Terrestre (DNTT) Munisípiu Lautém, segunda (17/10/2021), hahú taka ona avizu ba bus Ba-Mai (BM) Lospalos Dili hodi evita kondutor hasa’e folin kada pasajeiru $10, transporte bus ne’ebe kontra regra ne’e sei hapara lisensa emidiatamente.
Razaun DNTT Lautem hatun aviza ne’e bazeia ba despaisu númeru 226/v/2015/ GVMOPTC/MOPTC Ne’ebé fo sai iha loron 30 de Maiu 2015, hodi hatudu ona tarifa Dili Lospalos folin permanente ho $8.
Tuir deklarasaun balu ne’ebé lafaek news assesu husi diretur DNTT Lautém, Edy Coreira Lemos, katak aviza ne’ebe DNTT taka ona, emprezariu no motirista Bus Lospalos-Dili labele kontinua viola regra ne’e, tanba bazea diploma Ministerial númeru 3/MTCOP2003 hatur ona iha artigu 16 sei halo kanselamentu ba licensa.
Iha Avizu ne’e DNTT manda mós ba autoridade Munisípiu mak hanesan administradór Munisípiu Lautém, Komandante PNTL Munisípiu Lautém hodi nune’e kontrola nafatin ba transporte publiku liu-liu bus Lospalos ne’ebé ba mai Dili Lautem. Aviso DTT
Jornalista : CE. Lautem
Editor : Agapito de Deus
