Lafaek News—Primeiru Ministru no MInistru Interior, Taur Matan Ruak, afirma presiza reforsa seguransa iha fronetira atu bele kontrola movimentasaun ilegal iha ámbitu propagasaun covid-19 no variante Delta.
Xefe Governu hatoo asuntu ne’e hafoin remata reuniaun semanal ho Prezidente Repúblika, Francisco Guterres Lú Olo, iha palasiu prezidensia Bairru-Pite, kinta (05/08/2021),
“Foin da-daun fulan kotuk ba autoridade Indonézia sira konsege deporta ita nia ema nain 14 fila, maibe iha ne’eba sei iha. Tamba ne’e governu servisu hela atu informa ho ita nia viziñu sira atu oinsá haforsa ita nia kapasidade atu kontrola pasagen illegal sira iha fronteira entre ita ho ita nia vizinu Indonesia nian,’’ Taur akresenta.
Iha reuniaun semanal ne’e xefe governu ho xefe estadu ne’e Ko’alia mós kona-ba, seguransa fronteira no ida seluk mak kona-ba evolusaun Covid-19 nian, liuliu iha munisípiu Ermera.
maibé governu Timor Leste mos preokupa tebes situasaun pasajen ilegal sira ne’ebé la’o hela iha fronteira terestre entre Timor Leste ho nasaunIndonézia, presiza servisu diak ho autoridade Indonézia atu hapara pasajen ilegal hirak ne’e.
Taur afirma, liga ho situasaun covid-19 iha rai laran, liu-liu atu salva populasaun sira iha munisipiu Ermera husi moras pandemia Covid -19 liu husi hasa’e numeru vasinasaun iha munisipiu ne’e, importante populasaun tenke partisipa iha kampañia vasinasaun.
“Serka Sanitara ba Ermera ne’e dalan ida para evita moras ne’e daet fila fali ba Munisipiu sira seluk maibe ita hatene katak populasaun Ermera depende liu ba kafe tamba ne’e Governu mos tau hela matan ba ida ne’e tuir posibilidade ne’ebé ita iha konserteza tenke tau atensaun ba ita nia populasaun sira, maibe saida mak Governu husu no hau pesoalmente husu ba ita inan aman sira por que tenke partisipa iha kampania vasinasaun”, dehan Taur.
Tanba, Ermera munisipiu ida ne’ebé foin simu vasinasaun ho numeru ne’ebé ki’ik liu porsentu 9 kompara ho munisipiu sira seluk hanesan munisipiu Vikeke segundu lugar, tuir Dili tanba ne’er husu atu kombate moras ne’e dalan maka tenke simu vasina.
Estajiadu : Simão João Mira Fraga
Editór : Agapito de Deus
