Lafaek News–Primeiru Ministru Taur Matan Ruak hateten, relasiona ho implementasaun serka sanitaria iha muníspiu Ermera atu evita da’et COVID-19, governu sei tau matan bainhira populasaun hamlaha.
Xefe Governu ne’e hatoo asuntu ne’e hafoin remata enkontru ho Prezidente Repúblika Francisco Guterres Lú Olo iha palasiu presidensial Nikolau Lobato, kinta (05/08/2021) hodi relata servisu governu inklui situasaun covid-19 iha rai laran.
“Governu mós tau hela matan ba ida ne’e tuir posibilidade ne’ebé ita iha konserteza tenke tau atensaun ba ita nia populasaun sira, maibé ita hatene katak povu Ermera populasaun Ermera ne’e depende liu ba kafé,” katak Taur Matan Ruak ba Jornalista sira iha Palasiu Prezidensial Bairu-Pite.
Eis Prezidente Repúblika ne’e mos husu ba populsaun Ermera tenke partisipa iha kampañia vasinasaun, tanba Ermera munisípiu ida hetan vasina kiik liu ho porsentu 12 de’it.
“Ita sei iha Vasina sufisiente para fo ba ita nia sidadaun sira tanba ne’e mak ha’u enkoraja sira vasina, se ita boot sira haree medidas ne’ebé governu hasai ema ne’ebé simu ona vasina dala rua nia livre,” hakotu Taur.
Jornalista : Rita Moniz
Editor : Agapito de Deus
