Lafaek news-Eis Ajente PNTLJuvita das Dores da Silva agradese tebes Organizasaun Permakultura Timor-Leste (PERMATIL), tanba oferese ona bee hodi fasilita nia kuda modo sustenta sira nia nesesidade loro-loron.
“Ha’u kontente no agradese ba maun Ego Lemos ho nia ekipa Permatil nebe bele fasilita ona ami ho bee,” dehan Eis Ajente PNTL Juvita das Dores da Silvaiha iha Beto Timur, aldeia naroman suku Madohi, foin lalais ne’e
Nia salienta, la’ós to’o iha bee ne’e de’it, maibé PERMATIL sei kontinua fó formasaun ba sira kona-ba agrikultura no ema hirak ne’ebé atu ba tuir formasaun ne’e nia oan rasik hamutuk ho joven eskollidu hosi xefe suku Madohi.
Iha sorin seluk, Dirotór ezekutivu Permalukura Timor-Leste, Egenio Ego Lamos hatete, faze preparasaun nian mak konsege baku bee no kustu ba baku bee ne’e hamutuk dollar rihun ida liu
Nia hatutan, Planu tuir mai sei fasilita mós dada eletrisidade, no haruka uma nain nia oan nain ha’at, hamutuk ho joven sira hosi suku Madohi ne’e ba tuir formasaun hortikultura hodi mai dezenvolve toos iha fatin ne’e
“Sujere ba maun no mana no oan sira atu hamoos du’ut la bele sunu, maibé rai de’it tanba sei utiliza hodi halo adubu,” dehan nia
Nia hatutan sei utiliza to’os uma hun ne’e hodi halo kantareiru no viveirius iha ne’e hodi nune’e la’ós mana ho maun no oan sira de’it mak benefisia maibé oinsa bele utiliza fatin ida sai fali espasu ba joven sira iha suku madohi ne’e hodi tuir treinamentu.
Entretantu, xefe ekipa tuku bee Agusto de araujo hatete, be’e ne’ebé sai ohin ne’e nia prosesu tuku, lori kuaze loron rua, no nia naruk metru sanolu resin tolu
“Be’e bele uza ba hamu no rega ba ai-horis sira tanba ne’e garantidu maibé ita fura liu metru sanolu resin tolu entaun bee ita sei la bele uza ba hemu, so bele uza ba rega ai-horis,” hakotu nia.
Jornalista : Felisberto Fernandes
Editór : Agapito de Deus
