Lafaek News–Servisu Investigasaun Kriminal Polísia Nasional Timor Leste  (SIK-PNTL), Servisu Informasaun Polísia (SIP) no Servisu Investigasaun Nasionál (SIN) kaptura autor ADS ne’ebé tenta halai lakon hafoin oho nia fen rasik nu’udar membru polísia iha bairru Beto-Barat aldeia Anin-fuik suku Madohi postu Don Aleixo munisípiu Dili. 

Polisía Servisu Investigsaun Kriminal (SSIK), Servisu Informasaun Polisía (SIP), Servisu Investigasaun Nasionál (SIN) kaer suspeitu ADS iha area Aeraportu Nicolau Lobato Komoro iha tuku ualu liu 20:25, bainhira autor ne’e subar an hela iha duut okos.

“Suspeitu ami kaer  iha parte Aeroportu Nicolau Lobato  nian no suspeitu toba hela iha duut laran, mak ami ekipa  polisía Servisu Informasaun  Polisía(SIP), Servisu Investigasaun Criminal (SIC), Servisu Investigasaun Nasionál(SIN) kaptura bainhira suspeitu iha du’ut laran no nakukun laran, iha areador Airoportu iha Oras 20.25 otl,” dehan fontes kredivel ne’ebé lakohi fo sai nia identidade ba Lafaek News, kinta (08/07/2021).

Iha prosesu operasaun ne’e suspeitu mós koopera ho Polisía Nasionál Timor-Leste PNTL no F-FDTL no inkluí intelijénsia, hodi intrega an.

iha sorin seluk  Xefe  Aldeia Anin Fuik Suku Madohi, Antonio Soares,  informa ba Lafaek News liu husi telefone katak, polisía kaptura ona suspeitu iha duni aeraportu.  

“Ha’u foin rona duni informasaun katak polisía  kaer ona iha aeraportu maibé nia kronolojia ha’u seidauk hatene klaru,” dehan Xefe aldeia Anin-Fuik.

Oras ne’e da-daun PNTL lori ona autor ba iha komandu jerál Kaikoli hodi halo investigasaun prelimináriu.

Jornalista : Acacio Pinto

Editór         : Egidio Nono