Lautem-(Lafaek News)–Relasiona ho kondisaun estrada iha Lospalos villa munisipiu Lautem kondisaun at aumenta, nune’e IGE tenta halo reabilitasaun ikus mai provoka tahu nurak difikulta transporte públiku bainhira halo sirkulasaun.
Diretor Servisu Obras Publika munisípiu Lautem, Abrão Viera esplika reabilitasaun estrada Lospalos vila ne’e hetan orientasaun husi administradór hodi haruka IGE taka Raimutin ba estrada rai mutin provizóriu.
“Orientasaun husi administradór munisípiu ami halo karta ba IGE hodi ateru estrada kiak hirak ne’e, komesa iha Maiu to ohin loron sira taka hela estarda kuak sira iha Lospalos vila, sira ateru provizoriu hodi fasilita transporte públiku sira, udan mai ne’e mak halo sai tahu fali ne’e, haree ba estrada husi Lautém mai too munisípiu nia kondisaun la di’ak,” Abrão hateten iha salaun administrasaun kinta semana ne’e.
Observasaun lafaek news nota estrada hirak ne’ebé ateru ho rai mutin iha Lospalos vila nakfila ona ba tahu mutin prejudika tebes movimentu transporte no ema la’o ain, maibé tuir planu estrada munisípiu Lautem sei halo reabilitasaun iha 2022.
Jornalista : CE. Lautem
Editór : Agapito de Deus
