Lafaek News–Xefe Estadu Maior Jeneral F-FDTL, Tenente Jeneral Lere Anan Timur, afirma ho nia kapasidade ne’ebe iha prontu kandidata an ba Preizdente Republika iha eleisaun prezidensial 2022.
‘’Ha’u sente ha’u nia kapasidade iha ha’u prontu, funu ida ne’ebe mak lori mate mos ha’u bele, nusa mak atu sai prezidente Republika ha’u labele, ho iha tan seguransa iha asesor”, deklara Tenente Jenéral Lere Anan Timur hafoin enkontru semanal ho Xefe Estadu Francisco Guterres Lu Olo iha palasio prezidensial Bairru-Pite kuarta (07/07/2021).
Hodi dehan, kestaun ba prezidente ka ba membru governu ida, nia objetivo ida de’it serví nasaun, no nasionalizmu no patriotismu deve ema barak ne’ebe mak mate ona ran nakfakar atu harii nasaun Timor Leste ida ne’e sai buras no nabilan iha mundu nasaun seluk nia matan.
“Ha’u seida’uk pronunsia an, ha’u nia responsabilidade boot iha ha’u nia oin ne’e ha’u tenke hala’o, ida ne’e i estabilidade mak importante liu,” katak kandidatu xefe estadu ne’e.
Iha reuniaun entre lider forsas armadas ho xefe estadu ne’e toka liu asuntu kona-ba oinsa atu reforsa membru F-FDTL sira iha fronteira hodi evita variante Delta no Alpha, no ko’alia mós kona ba prosesu rekruatamemetu membru F-FDTL.
entretantu, tuir informasaun ne’ebe sai rumoris iha publiku no espaillaiha media sosial katak Timor-oan sira ne’ebe sei kandidata an ba Prezidente Republika iha eleisaun 2022 mak hanesan Padre Martinho Gusmao, Jose Ramos Horta, Virgilio Guterres (CI) Antonio Benevides (PUDD) no Lere Anan Timur.
Jornalista : Rita Moniz
Editor : Agapito de Deus
