Lafaek News – Prizoneiru Prizaun Becora nain 26 sedauk simu vasina no nain 521 mak simu ona Vasina AsraZeneca no Sinovac, husi total prizoneiru hamutuk nain 547, maibé atuál Covid-19 iha prizaun zero.
Diretór Prizaun Becora, João Domingos hatete, prizoneiru iha prizaun Becora total Hamutuk nain 547 no nain 521 simu ona vasina no nain 26 sedauk simu, tanba infrenta moras komplikado no nain ida mak sedauk simu vasina tanba dadur ida sei ida juvenil (18) no Prizaun Becora agora dadaun sedauk rejistu Covid 19 foun.
“Husi dadur 547 laiha ona dadur sofre ka infetadu Covid-19 (zero covid-19), dadur nain 547, nain 521 máka sujeita ona ba vasinasaun primeiru doze ho Astrazeneca no Sinovac no nain 26 mak seidauk simu vasinasaun, razaun nain 1 tinan seidauk to’o 18 (dadur Juvenil) no nain 25 seluk seidauk vasina ho razaun moras komplikadu (labele justifika sira nia moras so doutor ka mediku sira mak bele justifika),” Dehan Diretor prizaun Becora João Domingos ba Lafaek News, iha HNGV, hafoin lori prizoneiru sira ba halo tratamentu saude , kuarta, (7/7/2021).
Tuir dadus husi prizaun Becora dadur Juvenil nain 27 ne’e, tinan 16 to’o 21, dadur husi ema estrangeiru nain 11 Indonesia 6, Philipina 1, Xineza 2, Indiana 1 no Australiano nain 1. No atual dadur ohin loron 07/07/2021 iha estabelecimento prisional Becora ho total hamutuk 547, prizaun kondenadu: hamutuk 418 no prisaun preventiva hamutuk 129, máka agora rejistu iha estabelesimentu iha Prizional Becora.
Joranlsita : Manuel andrade
Asisten Editór : Pedro de Almeida
