Lafaek News— Diresaun Unidade Kordenasaun Apoiu Estudante (UKAE) hosi Ministériu Ensinu Superior Siensia no Kultura (MESSK) asina kontratu ho estudante veteranus nia oan nain 43 ne’ebé hala’o estudu iha Univesidade Dili laran, hetan ona subsidiu hosi Govermu .
“Ohin ha’u dehan kada anualmente iha Timor Leste,universidade diploma 3 ami apoiu osan $ 700 dollar, maibé kuandu ba lisensiatura ne’e hetan osan 900 ” Dehan Amelia da Silva Araújo ba jornalista sira iha salaun MESSK, kuarta (07/07/2021).
Iha fatin hanesan estudante husi universidade Dili (UNDIL) fakuldade direitu, Aniceto da Costa Marcal, sente kontente tebes, tanba bele hetan subsidiu husi UKAE osan hamutuk $ 900 dollar.
“Ha’u sente orgullu tebes tanba ajuda ona ha’u, ida ne’e ha’u sei uza hodi remata ha’u nia estudu iha UNDIL,” dehan estudante Aniceto.
Nune’e Veteranus Acasio Mari, hato’o agradese ba MESSK- liu husi diresaun UKAE ne’eb’e apoiu ona subsidiu ba oan sira ne’ebé hala’o estudu iha Univesidade sira iha Dili .
“Ha’u agradese ba ensinu superior liu husi nia diresaun UKAE ne’ebé ajuda ami, ida ne’e bele fasilita ami nia oan nia estudu iha ensinu superior to’o remata,” hakotu Veteranus Acasio
Jornalista : Sonia de Almeida
Asisten Editór : Pedro de Almeida
