Lautém (Lafaek News)-Xefe Suku Daudara, postu administrativu Lautém, munisípiu Lautém, Aderito Morais rejeita informasaun ne’ebé fó sai iha mídia balun kona-ba profesora ida mate iha Lautém hafoin simu vasina.
Xefe Suku Daudere, Aderito Morais deklara katak, profesora ho naran Erminia Viana mate ho idade 39 ne’e, mate la’ós simu vasina AstraZenaka, maibé matebian seidauk simu vasina matebian hakotu iis ona.
Matebian Erminia hakotu iis ne’e iha loron 16 Maiu 2021, iha nia rezidénsia la’ós iha Ospitál tanba matebian rasik seidauk simu vasina AstraZeneca.
“Matebian ne’e, ha’u nia komunidade ha’u hatene klean kona-ba kazu ne’e tanba ne’e ha’u atu dehan, nia seidauk simu Vasina AstraZenaka maka nia mate so nia laen maka simu ona vasina, maibé nia kondisaun saúde di’ak hela to’o agora,” Informa Xefe Suku Daudere Aderito Morais ba lafaeknews.com liuhosi via telefone, Sesta (21/02/2021)
Nia esplika, prosesu funebre matebian la’o tuir kultura nian de’it, la’ós tuir Protokolu Saúde, tanba matebian hakotuk iis la’ós tanba vasina, maibé matebian sofre hela moras rins maka hakotu nia iis.
Ho biban ida ne’e, Xefe Suku husu ba komunidade Daudere atu lalika paniku ba sitausaun ida ne’e, tanba matebian ne’e mate la’ós simu vasina AstraZeneka, maibé mate ho moras rins.
Matebia Eriminia Viana durante ne’e servisu hanesan profesora iha EBC Númeru I Lautém, Matebian ho idade 39 no husik hela oan nain ha’at , feto rua mane rua.
Nune’e, mate isin agora dadaun iha, aldeia Sagueli Suku Daudere, no matebian sei halo’ot iha loron 23 tuir kultura Daudere nian.
Jornalista : Acacio Pinto
Editór : Floriano Soares
