Lafaek news—Xefe Sentru Saúde Internamentu munisípiu Lauté, Adelino da Costa, rezeita informasaun kona-ba Profesora ida mate hafoin simu vasina astrazeneca iha loron 19 Maiu 2021, iha postu administrativu Lautém.
“Informasaun ne’ebé foti husi deputadu balu iha Parlamentu Nasionál dehan sidadaun profesora ida mate ho vasina Astrazeneca iha Lautém ne’e la loos, tanba profesora ne’e nia naran tama duni iha lista maibé nia la tuir vasina iha primeiru lansamentu iha sentru saúde Lautém,” katak Adelino ba lafaek news iha kna’ar fatin foin lalasi ne’e.
Adelino afirma profesora ne’e ho naran Ermina Vieira dos Santos, no nia naran tama duni iha lista adisional, maibé nia la tuir vasina no nia mate ho moras seluk la’ós vasina mak mate, maibé abitante ne’ebé simu vasina inklui ho liña frente hamutuk 108 la inklui matebian ne’e.
“Atu halos de’it informasaun Postu administratuvu Lautém iha abitante liña frente hamutuk 108 mak simu ona vasina AstraZeneca doje prineriu ema sira ne’e di’ak hotu no laiha ema ida mak mate ba vasina ne’, ami iha dadus kompletu ba sidadaun sira ne’ebé simu vaksin iha dia 19 de Abríl to 28 de Abríl iha postu ne’e, to agora ema hotu di’ak, ami hein hela no alista ona populasaun iha postu Lautém atu tuir vasina Astrazeneca maibé informasaun ne’ebé mak lansa iha media no levanta iha Parlamentu Nasionál ne’e informasaun la loos,” haktuir xefe sentru saúde internamentu Lautém ne’e.
Entertantu xefe Sentru Saúde Internalentu ne’e husu públiku atu lable konsumu informasaun falsa sira hodi estraga médiku sira nia servisu iha Timor Leste.
Jornalista : CE Lautem
Editor : Agapito de Deus
