Lafaek News—Komunidade Uma kain 5 iha Suku Lahane Oriental, Postu-Administrativu Nain Feto, Munisipiu Dili ne’ebe sofre ba dezastre naturais iha fulan dezembru tinan 2022, seidauk hetan material ekipamentus hodi halo rekonstroi uma ne’ebé anin sobu.
Xefi Suku Lahane Oriental, Postu-Administrativu Na’in Feto, Munisipiu Dili Trindade do A.P. Baptista hatete, husi suku Lahane Oriental uma kain 5 hetan dezastre Naturais anin sobu uma iha fulan kotuk 2022, maske no barak mak hetan ona apoiu husi governu maibé aopiu ai-han, no seidauk hetan material konstrusaun uma nian.
Nia dehan, iha dezastre naturais iha tempu ne’eba anin sobu uma balun la aproveita, nune’e vítima sira tenke rekoa ba viziñu sira nia uma, balun hili fali kalena ne’ebé anin sobu hodi prega fila-fali sira nia uma ne’ebé anin sobu hodi kontinua hela.
“Vítima dezastre naturais sira ne’e la Evalia ba fatin seluk maibe balun ne’ebe uma la aproveita sira tenke tahan hodi hela hamutuk ho Viziñu nia uma no vítima balun prega rasik sira nia uma hodi bele fó espasu ba sira nia moris”, Hatete, Xefi Suku Lahane Oriental ba jornaliata iha Fatin Edifisiu Munisipiu Dili, (18-01-2023).
Autoridade Komunitariu ne’e informa, Banhira dezastre ne’e akontese nia direta kontaktu ba autoridade Protesaun Sivil no parte relevante mós too kedan iha suku Lahane Oriental, iha aldeia tolu hanesan aldeia Sare, aldeia Rai-mean no aldeia Suku Tama too agora aldeia tolu ne’e seidauk hetan atendimentu husi parte relevante sira.
“Husu ba governu tenke tau matan ho lalais ba povu ne’ebe sofre husi dezastre naturais,” xefe suku ne’e rekomenda.
Dezastre naturais ne’e labele birokrasia demais, tanba sira tuur iha Parlamentu Nasional ne’e povu mak hili, la’os sira na’in mesak ba tuur iha parlamentu, nune’e la’os ko’alia kona-ba polítiku no kor partidu nian maibé tenke haree mos ba situasaun sira ne’ebé povu infrenta.
Jornalista : Adolfina Soares
Editór : Agapito de Deus
