Lafaek News—Prezidente Repúblika José Ramos-Horta sei fó indultu ba prizoneirus nain 30 iha ámbitu komemorasaun loron proklamasaun independensia unilaterál Timor-Leste nian ba dala-48 iha Palásiu Prezidensiál Bairo-Pité Díli.
“Ha’u la lembra 30 ital, ha’u lembra balun husi indultu mak seidauk kumpri mínimu tempu ne’e, no seidauk to’o tan 30 pursentu um tersu,” informa Xefe Estadu, hafoin inaugura pixina modernu iha Palásiu Prezidensiál, (24/11/2023).
Aman ba nasaun ne’e, relata dadur-na’in hirak ne’ebé sei hetan indultu ne’e, bazeia ba avaliasaun Diretor Servisu Prizionál sira, haree mós liu ba direitus umanus, depois PR fó indultu tuir kompeténsia ne’ebé atribui ona iha Kostituisaun RDTL.
“Sei iha indultu ne’ebe konsulta kle’an ho primeiru sistema projional diretur prizaun, segundu Ministeriu Justisa i Governu depois haree mos liu ba area direitus umanus para hotu-hotu lao hanesan” tenik Ramos-Horta.
Xefe Estadu mós sei kondekora profesór hirak ne’ebé hala’o knaar durante tinan 50 nia laran, no kondekora mós personalidade polítika balun ne’ebé kontribui ba prosesu luta libertasaun Timor-Leste nian, no iha tempu ukun aan mos sei kontribui nafatin.
“Kondersaun lubuk ida, tanba hahú dia 27, 28 no 27 mak maioria prosesor atus ida tanba hakarak fo homenazen ba professor sira lubuk ida ema ne’ebe mak balu servisu tinan 50 ho idade 60 ital anos, tanba ne’e lista Ministeriu Edukasaun mak responsabilidade. Depois personalidade balu iha 28 de Novembru, iha personalidade polítika ida ne’e la haree ba partidu politiku, méritu para rekoñese mos ema ne’ebe tempu luta depois de independensia servisu hanesan Eis- Prezidente Parlamentu balu akadémiku,” hakotu Horta.
Estajiada : Epifania I. Pinto
Editor : Agapito de Deus
