Lafaek News—Segunda 31/10/2022, Prezidente Repúblika Portugál, Marcelo Rebelo de Sousa atribui medalla kondekorasaun Ordem de Camões bá Prezidente Republika Timor Leste, José Ramos-Horta nu’udar Ordem Honorífica Portuguesa ida ne’ebé rekonesimentu nivel aas bá pesoal sira ne’ebé ajuda habelar lingua Portugueza iha mundu.
Tuir PR Ramos-Horta kondekorasaun ne’e nu’udar rekonesimentu importante ida, ne’ebé la’òs atribui de’it ba nia, maibé Governu Portugues oferese mos ba lider nasional sira hanesan, Kay Rala Xanana Gusmã, Taur Matan Ruak, Mari Alkatiri no Fransisco Guterres Lú-Olo hodi hametin lasu amizade entre Timor-Leste no Portugal.
“Too agora ne’e ha’u hetan kondekorasaun boot tolu ne’ebé Governu Portugues fó ba ha’u primeiru kondekorasaun, Ordem De Liberdade, Portugal, (1998), Ordem Dom Infante Portugal (2011) no terseiru mak Ordem de Camões nu’udar Ordem Honorífica Portuguesa hanesan orden ida kee aas liu, tanba ita nia relasaun di’ak loos entre Timor no Portugal,” dehan Prezidente Repúblika Josè Ramos-Horta hafoin simu Medalla kondekorasaun iha Palásiu Prezidente Belem Lisboa Segunda (31/10/2022)
Xefe estadu Horta akresenta, Medalla Ordem de Camões hanesan orden ida aas liu ne’ebé Xefe Estadu Portugés atribui de’it ba nivel Xefe Estadu sira bainhira hala’o vizita estadu hodi hametin kooperasaun bilateral.
Durante ne’e, Xefe Estadu Ramos-Horta hetan ona rekoñesimentu prémiu mundiál hanesan, Premiu Novel da Paz (1996), Orden de Australia (2015),Ordem de Timor-Leste (2012),Ordem Dom Boaventura (2006), Orden de Brazil, Cuba, Guinea-Bissau no Cavo Verde.
Jornalista : Rita Moniz
Editór : Agapito de Deus
