Letefoho-(Lafaek News)—Amo Vigáriu parókia nossa senhora do Carmo Lete-Foho, Eugenio Redentor M.C.Lafu iha selebrasaun Santo no Santa sira nian hatete “Ita ema ne’ebé moris Maromak sei bolu sai santu no santa iha lalehan.
“Ohin Domingu ne’ebè koiñsedu ho festa Solenidade Santo hotu-hotu nian, festa ida ne’e bolu ita atu lori ba buat rua, ida maromak ninia beran boot no ninia gloria ne’ebè nia hatudu iha Santo sira nia moris no santu sira nia hahalok, segundu halo ita hanoin katak Ha’u mòs Maromak bolu atu sai Santo,” lia hirak Ne’e hato’o husi Pe.Eugenio Redentor Marques Caunan Lafu iha Homilia selebrasaun Misa Loron Santo no Santa sira nian iha Parokia Lete-Foho domingu 01/11/2020.
Hodi dehan, santu ne’e Sè? Santu ne’e ema bain-bain, maibé moris mai la’os sarani kedas, ohin primeira leitura São João ninia vizaun konta nia haree lalehan, atu fò esperansa ba kristaun sira dehan tuir Kristu ne’e labele tauk, kontinua hahalok di’ak, kontinua moris tuir fiar sarani biar ema la simu, fiar iha nai Maromak.
“Iha Segunda leitura mòs nafatin ho João dehan tan seidauk haree maromak, maibè loron ida ita sei haree Nia matan ho matan, karak Sà? desde batizmu Maromak bolu ona ita sai Familia Maromak nian, Aman, oan, Espirito santo, ita sai ona Familia Maromak nian ita iha ona obrigasaun moris tuir maromak nia hakarak no grasa atu sai Santo hanesan maromak ne’ebè Santo,” esplika Nai Lulik ne’e.
Jornalista : João da Costa Soares
Editora : Nelya Barros
