Lafaek News–Unidade Patrullamentu Fronteira (UPF), hamutuk ho NGO CTC-TL (Community that Care-Timor-Leste), realiza programa “Police goes to border Schools”, hodi fahe opiniaun publika no ekipamentu eskola ba estudante sira ne’ebé hanaran jerasaun kontinuador iha Timor Leste nia futuru.
.Komandante UPF Superintendente Polisia Euclides Belo informa, Ohin UPF hamutuk ho NGO CTC-TL halo vizita ba eskola pre-secundaria Batugade no Pre-Escolar Palaka hodi fahe sasan brikeiru ba labarik sira ho objetivu atu hametin relasaun ho alunu kikoan sira.
Ita motiva labarik sira atu rona inan, aman no edukador sira tanba estudante pre-escolar sira nee nudar jerasaun kontinuador ba nasaun nia futuru”, dehan Komandante Euclides Belo, iha nia knar fatin Kuartel UPF Nu Badak, Batugade, sesta 13/05/2022.
Komandante UPF Euclides afirma, iha vizita ne’e introduz mos papel UPF nian hanesan ajente seguransa nasaun nian hodi halo kontrolu masimu iha fronteira rai maran hodi tau matan ba iha moviementu illegal iha liña fronteira.
iha Sorin seluk, Diretora CTC-TL Olandina Soares relata, nia hakarak demonstra domin hodi hasa’e labarik sira nia konsiensia atu respeita malu iha eskola fatin no uma.
Ita halo reflesaun ba loron 13 de maiu nu’udar loron domin nain feto nian, Tanba nee iha loron nee ita fo mensajen ba sira atu husu pas, domin no ksolok iha moris lor-loron nian,” Olandina Esplika.
Olandina afirma, buka atu lori esperansa no mudansa ba labarik sira atu nune’e sira bele moris buras no iha esperiensia moris ne’ebé sufisiente.
Entretantu, NGO CTC-TL mos fo apoiu Laptop ho marka Lenovo 2 ba UPF, ekipamentu desportu hanesan bola Volly no Futsal nian inklui kamijola hodi utiliza ba atividade polisiamentu komunitaria iha linha fronteira, enkuantu brinquedos hamutuk kaixa rua ba estudante eskola rua.
Jornalista : Orlando Magno
Editor : Agapito de Deus
