Lafaek News—Dosente no estudante husi Departamentu Lingua Tetun, Fakuldade Edukasaun Arte no humanidade ho sentru estudu no arte kultural iha Universidade Nasional Timor Lorosa’e (UNTL) realiza semináriu internasional ho tema estudu linguístika no kultural transformasaun, hodi promove traballu peskiza professores no estudante.
Tuir dosente departamentu dalen tetun UNTL, Vicente Paulino, esplika, atividade semináriu internasional linguístika no kultural ne’e ho tema estudu linguístika kultural transformasaun iha ne’ebé atu promove liu tan traballu peskiza professores no estudante sira nian.
“Objetivu atu promove trabalhu professores no estudantes sira iha nivel semináriu nu’udar parte ida integrante iha pilar edukasaun nian hanesan ensinu peskiza no mós estensaun ho eventu ne’e rasik professores sira hotu esforsu an atu apresenta sira nia traballu sientifikus,” dehan Dosente departamentu dalen tetun Vicente Paulino ba jornalista sira iha salaun UNTL, tersa (23/11/2021).
Nia hatutan, profesores no estudante sira sei esforsu an hodi públika mós traballu ne’ebé mak sira apresenta, signifika kata sira hanoin ona tanba sira rasik dehan ho vizaun ida hau nia trabalhu kuandu apresenta tenki públika. Entaun livru dalen tetun sei mai iha tinan 2022 no peskizador mai husi profissor portugues Brazil no profissora pre-eskolar no mós husi fakulidade sensia sosiál.
Iha fatin hanesan reitor Universidade Nasional Timor Lorosa’e (UNTL) João Martins hateten, semináriu ne’e konaba kestaun linguistika kulturais transformasaun ne’e importante tebes, entaun atu kuinese transforma sira ne’e tenki halo peskiza atu bele hatene mudansa saida mak akontese ona iha lingua komunikasaun tetun loron-loron tantu lingua tetun, portugues no ingles.
“Transformasaun sira ne’e ita bele hatene ita nia sosiedade ne’e avansa no sosiedade ne’ebé iha nivel a’as liu, husi sira ninia lingua ne’ebé sempre envolve nakloke atu bele ke’e fila fali abut lingua sira, ita nia lian tetun rasik, tanba termolojia badak ita terik ita bele esplora atu bele dada mai sai hanesan ba padarun lian tetun ne’ebé ita uja agora,” dehan reitor UNTL.
Reitor esplika, lingua tetun importante tebes ligasaun ho kultura Timor ninia, tanba ne’e lingua rua tenki la’o hamutuk ho ida ne’e governu, dosente, estudante no peskiza nain sira tenki akompana ba bebeik atu bele hare’e mudansa sira ne’ebé maka bele transforma ba lingua komunikasaun no kultura husi indentidade Timor ninia rasik.
Enkuantu nia imforma, tinan oin tenta atu serbisu hamutuk ho departamentu ensinu lingua tetun (DELT) ho fakuldade edukasaun no arte humanidade (FEAH) atu nune’e bele hatene kongressu lian tetun, maibé ne’e depende ba disponiblidade husi professor sira inklui orsamentu tanba sei iha faze diskusaun nia laran.
Jornalista : Joni Mau Risa
Asisten Editór : Pedro de Almeida
