Lafaek News—Univesidade Nasional Timor Lorosa’e (UNTL) husi fakuldade siensia sosiais, departamentu komunikasaun sosial ohin kinta (25/11) realiza seminário hodi komemora loron proklamasaun indepdensia RDTL 28 de Novembru 1975-2021 ba dala-46.
Iha seminário ho tema “implementasaun programa VIII konstituisional no ambitu pandemia Covid-19 iha Timor-Leste” iha ne’ebé orador máka Laureadu Prémiu Nobel ba Pás, José Ramos Horta ho Ministru Presidensia Konsellu Ministru (MPKM) Fidelis Leite Magalahes.
Nune’e reitor Universidade Nasional Timor Lorosae (UNTL) João Martins, hato’o agradese ba eis presidente republika José Ramos Horta ho Ministru Presidensia Konsellu Ministru (MPKM) Fidelis Leite Magalahes, bele mai fahe esperensia ba estudante siensia sosial sira liliu komunikasaun sosial atu bele hatene no hafanu jerasaun foun sira atu nune’e sira bele hatene historia Timor ninian.
“Ha’u senti kontenti no agradese tebes ba ita nia eis presidente republika José Ramos Horta koalia tiha ona politika governu ninia no politika esterna kapas loos tanba fakuldade siensia sosiais relasaun ho departamentu internasional entaun kestaun ne’e kapas tebes tanba informasaun sira ne’e kona-ba Timor ho ninia relasaun,” dehan Reitor UNTL João Martins ba Jornalista sira iha UNTL, Segunda (25/11/2021).
Iha fatin hanesan estudante komunikasaun sosial, Sergio da Silva senti orguillu tebes ba komemorasaun loron proklamasaun independensia 28 de Novembru nian tanba bele hetan imformasaun konaba istoria rezistensia.
“Nu’udar estudante senti orguillu tebes tanba bele hetan esperiensia kona-ba istoria rezistensia Timor-Leste ninia husi dotor Jose Ramos Horta ho dotor Fidelis Leite Magalahes,” nia Informa.
Entertantu orador husi seminário nemáka Laureadu Prémiu Nobel ba Pás, José Ramos Horta ho Ministru Presidensia Konsellu Ministru (MPKM) Fidelis Leite Magalahes, no partisipa maximu husi estudante fakuldade siensia sosiais, departamentu komunikasaun sosial inklui dosente sira.
Jornalista : Joni Mau Risa
Asisten Editór : Pedro de Almeida
