Lafaek News-Rede koligasaun Agrikultura Timor- Leste(RKATL), sei estabele sentru media hodi monitoriza no analiza kona-ba debate proposta Orsamentu Jeral Estadu (OJE) tinan 2022 iha Parlamentu Nasionál(PN), liuliu orsamentu ba iha setór agrikultura nian.
Tuir Portavos Ermininia de Jesus Pinto, informa, Rede koligasaun ida-nee konkorda ona hodi harii sentru media iha sekertariadu HASATIL farol Dili, hodi monitoriza akompaña no halo advokasia ba diskusaun sira kona ba proposta orsamentu jerál Estadu(OJE) tinan 2022 nian, no Sentru ida-ne’e sei fasilita ba ema no organizasaun oin-oin atu fo sira nia hanoin no akompaña prosesu debate sira,ba orsamentu OJE tinan 2022 nian iha parlamentu nasional, rede koligasaun nee mos husu ba parlamentu Nasional no governu atu debate ho kle’an matenek, koidadu hodi kondisaun real ne’ebé akotese dadaun iha Timor.
“Sentru media ne’e sei realiza koferénsia imprensa, Programa Tv talk show,prepara estamentu konjunta No diskusaun nakloke ho jornalista sira kona ba analiza proposta OJE tinan 2022,no atividade importante sira seluk,sentru media nee inisiu husi diskusaun OJE tinan 2022 iha fulan Dezembru tinan nee, no sei kontinua monitoriza ezekusaun OJE neebe hetan aprovasaun husi parlamentu nasional no promulga husi prezidente Repúblika,investe iha setór agrikultura iha OJE 2022,diversifika ekonomia ,” Portavos, Ermininia de Jesus Pinto, ba jornalista sira iha fatin HASATIL Farol Dili, Kinta-feira(25/11/2021.)
Rede koligasaun Agrikultura Timor- Leste mak rede ida ne’e kampela foun ida foin halo kompostu husi, organizasaun Joventude, LGBTI,grupu koperativa, movimentu sosial, organizasaun sosiedade sivíl, no sira seluk ne’ebé, interese atu dezenvolve setór agrikultura, no promove ekonomia diversifikadu,sustentavel inkluzivu iha Timor-Leste, esplika porta vos ne’e.
Ermininia de Jesus Pinto,realsa, objetivu husi Rede koligasaun Agrikutura refere ba Iha proposta OJE 2022 katak despeza estadu ne’ebé la sustetanvel no la realistiku sei fo risku boot ba sustanbilidade ba Rezerva Fundu Petroliu(FP) no finansas públiku iha futuru,Timor la iha ona reseita husi kampu Mina no Gas ne’ebé Timor Leste iha,realidade públiku hatene katak fundu petroleu sei Hotu iha tempu besik,tanba ne’e governu tenki investe agora iha setór agrikultura no setór produtivu seluk,hodi divesifika ekonomia nasional.
Estajiariu: Marcos Sarmento do Rego
Asisten editor: Egidio Nono
