Lafaek News—Universidade Oriental Timor lorosa’e (UNITAL), liu husi Fakuldade Siénsia Sosiál no Polítika (SISPOL), Felicidade Xavier, afirma UNITAL prepara ona rekezitu pursentu 95 hodi hatan ba Ajénsia Nasional Avaliasaun Akreditasaun (ANAAA).
“Ami nia preparasaun dehan ne’e ami prontu tiha ona ho pursentu 95 no ami hein wainhira mak halo avaliasaun maka foin ita hatete katak purcentu 100”hatete dekana (SISPOL),Felicidade Xavier ba jornalista estajiada Lafaek News iha nia kna’ar fatin UNITAL, segunda (09-08-2021).
Felicidade fundamenta, fakuldade SISPOL prepara ba iha akreditasaun ne’e fahe ba departamentu 2, kompostu husi Administrasaun Públiku (AP) no Komunikasaun Sosiál (KS) no relasaun internasional sei prosesa estabesimentu iha tinan oin.
Observasaun lafaek news nota iha fakuldade SISPOL iha ona fasilidade kona-ba ensinu aprendizajen, hanesan internet, laboratório no bliblióteka kompleta.
Jornalista Estajiáda : Crisência Ferreira
Editór : Agapito de Deus
