Lafaek News–Vise Ministru Obras Publika (V-MOP), Nicolao Lino Freitas Belo, informa nia parte halo ona observasaun direta iha aldeia Soikili suku Parlamentu postu administrativu Lautem, munisípiu Lautem, ne’ebé seidauk asesu liña eletrisidade no sei loke konkursu publiku iha tinan ne’e.
“Vizita foin da-daun iha Lautem iha Suku Parlamentu iha Aldeia Soikili laiha eletrisidade to agora, entaun ho ida ne’e ita iha kordenasaun ho empreja publika EDTL ita esforsu iha tinan ida ne’e loke konkursu ba iha prosesu tenderizasaun sei hein manan nain wainhira se mak manan ita esforsu tinan ne’e sei ipmlementa hodi nune’e ita nia komunidade iha ne’eba bele asesu ba eletresidade,’’ dehan Nicolao Freitas Belo ba lafaek news, segunda semana ne’e hafoin partisipa iha reuniaun aprezentasaun Mini komite Revisaun Orsamentu OJE2022, iha Otél JL. Villa.
Governante ne’e relata, fafoin Vizita 04 Agusto MOP, observa estrada no eletrisidade iha Area rural Munisipiu Lautem suku Baduro no Suku Parlamentu Aldeia Soikili iha ona Prosesu tenderizasaun, komunidade sira kestiona oinsá loke esrtada ba iha sira nia area nune’e bele asesu estrada liu-liu fasilita agrikultor sira lori produtu lokal ba merkadu.
‘’Ida ne’e maka orientasaun ita nian ba ona iha ekipamentus pezadus IJE oinsá atu ekipa sira tu’un hodi foti dadus levantamentus dadus teknikus nune’e haree ba iha benefisiáriu trasa planu oinsá bele loke estrada ba iha komunidade sira ne’ebé presija tebes urjente bele asesu ba iha sira nia hela fatin ou moris fatin,’’ katak vise MOP ne’e.
Nia Hatutan, iha fatin seluk sei esforsu lao fila-fali ba iha munisípiu Baukau no Vikeke atu haree kona-ba komunidade nia preokupasaun ba iha infrastrutura báziku hanesan Bee, eletrisidade no estrada.
Jornalista Estajiádu : Azilo da Cruz
Editor : Agapito de Deus
