Lafaek news—UNFPA Servisu hamutuk ho Ministériu Saúde (MS), lansa Sentru saúde Sub-Rejiaun Pássabe Rejiaun Administrativa Espesial Oe-Cusse Ambeno (RAEOA) iha Postu hodi redus inan isin rua partus iha uma.https://www.lafaeknews.tl/paulino-agradese-ix-governu-servisu-hamutuk-ho-unfpa/
Reprezentante UNFPA Timor-Leste, Dotora Triana Oliveira hateten UNFPA hetan ajudus husi Governu Austrália tinan oin (2025), UNFPA sei iha komprimisiu no mos husi governu Japaun sei eleva tan sentru (kemon.B) 20 iha munisípiu sanulu resin rua (12) la inklui Atauru ho Likisa.
“Durante ida ne’e UNFPA suporta Ministériu Saúde ho tulun husi Governu Austrália too ohin loron ita estabelese ona sentru (Komon.B) iha munisípiu 6, da-daun ita lansa ohin, hahú tinan oin UNFPA iha komprimisiu atu apoiu tan husi Governu Japaun sei eleva sentru (Kemon.B) 20 iha munisípiu 12 la inklui Atauru ho Likisa, maternidade ne’ebé ita eleva atu fornese kuidadu emerjénsia obtrétika ba inan no bebe foin moris, ida ne’e lansa sai sentru Kemon B, presija segura pilar tolu Primeiro presija iha pesoal saúde treinadu iha fasilidade refere molok ita eleva segundu tenki iha ekipamentus médiku no ekipamentu non médiku ne’ebé nesesita ba iha sentru terseiru iha funsionamentu infraestrutura husi maternidade ne’e rasik atu asegura bee mos no mos eletrisidade nune’e infraestrutura ne’e bele fo funsiona 24 oras,” Reprezentante UNFPA Timor-Leste, Dotora Triana Oliveira ba jornalista sira iha Passabe/RAEOA, Kuarta 11/12/2024.
Iha sorin seluk Domingas da Cunha nudar mediku, sublina treinadu nain 4 ba médiku nain 2 no parteira nain 2, tanne’e nu’udar treinadu ba médiku hodi esforsu nafatin ba inan isin rua ne’ebé bainhira fulan besik atu partus, tanba ne’e iha ona sentru saúde bele fasilita ona inan rua sira.
“Ami iha ne’e treinadu nain haat médiku nain Rua ho parteria nain rua ami esforsu ba ami nia inan isin rua sira atu nune’e bainhira sira isin rua bele mai halo kuidadu ne’e ona tal iha sentru saúde, no inan partus sira, tanba iha ne’e inan barak partus iha uma, entaun liu husi ami nia promosaun agora halo ona klinik maternidade (Komon) entaun liu husi ami nia promosaun hakarak inan hotu mai partus iha fasilidade saúde, tanba partus ho komplikasaun kazu, ran fakar depois palasenta la sai ho komplikasaun seluk seluk ami bele atinje ona iha sentru saúde”Nia esplika
Reabilitasaun ba estabelesimentu sentru saúde Kemon B ne’e hetan Fundus husi UNFPA ho total $50.000.
Jornalista : Maria José
Editor : Agapito de Deus
